ਹਰਿਆਣਾ ਵਿਧਾਨ ਸਭਾ ਚੋਣਾਂ : ਜੁਲਾਨਾ ‘ਚ ਵਿਨੇਸ਼ ਫੋਗਾਟ ਜਿੱਤ ਦੇ ਨੇੜੇ, ਐਲਾਨ ਹੋਣਾ ਬਾਕੀ

ਜੀਂਦ ਜ਼ਿਲ੍ਹੇ ਦੀਆਂ 5 ਵਿਧਾਨ ਸਭਾ ਸੀਟਾਂ ਲਈ ਵੋਟਾਂ ਦੀ ਗਿਣਤੀ ਜਾਰੀ ਹੈ। ਜੁਲਾਨਾ ਵਿੱਚ 11ਵੇਂ ਗੇੜ ਵਿੱਚ ਭਾਰਤੀ ਪਹਿਲਵਾਨ ਵਿਨੇਸ਼ ਫੋਗਾਟ ਨੂੰ 50617 ਵੋਟਾਂ ਮਿਲੀਆਂ। ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰ ਯੋਗੇਸ਼ ਬੈਰਾਗੀ ਨੂੰ 44567 ਵੋਟਾਂ ਮਿਲੀਆਂ ਹਨ। ਵਿਨੇਸ਼ ਫੋਗਾਟ 6050 ਵੋਟਾਂ ਨਾਲ ਅੱਗੇ ਚੱਲ ਰਹੀ ਹੈ, ਵਿਨੇਸ਼ ਫੋਗਾਟ ਜੁਲਾਨਾ ਤੋਂ ਜਿੱਤ ਦੇ ਨੇੜੇ ਹੈ, 11ਵੇਂ ਗੇੜ ਵਿੱਚ ਫੋਗਾਟ 6050 ਵੋਟਾਂ ਨਾਲ ਅੱਗੇ ਹੈ। ਹੁਣ ਸਿਰਫ਼ 4 ਗੇੜ ਬਾਕੀ ਹਨ। ਉਚਾਨਾ ਸੀਟ ‘ਤੇ ਕਾਂਗਰਸ ਦੇ ਬ੍ਰਿਜੇਂਦਰ ਚੌਧਰੀ ਨੂੰ 9ਵੇਂ ਗੇੜ ‘ਚ 28547 ਵੋਟਾਂ ਮਿਲੀਆਂ। ਭਾਜਪਾ ਦੇ ਦੇਵੇਂਦਰ ਅੱਤਰੀ ਨੂੰ 25116 ਵੋਟਾਂ ਮਿਲੀਆਂ ਹਨ।
ਜੇਜੇਪੀ ਉਮੀਦਵਾਰ ਸਾਬਕਾ ਉਪ ਮੁੱਖ ਮੰਤਰੀ ਦੁਸ਼ਯੰਤ ਚੌਟਾਲਾ ਨੂੰ 5099 ਵੋਟਾਂ ਮਿਲੀਆਂ ਹਨ। ਬ੍ਰਿਜੇਂਦਰ ਚੌਧਰੀ 3431 ਵੋਟਾਂ ਨਾਲ ਅੱਗੇ ਹਨ। ਨਰਵਾਣਾ ਸੀਟ ‘ਤੇ 9ਵੇਂ ਗੇੜ ‘ਚ ਭਾਜਪਾ ਦੇ ਕ੍ਰਿਸ਼ਨ ਕੁਮਾਰ ਨੂੰ 31320 ਵੋਟਾਂ ਮਿਲੀਆਂ। ਕਾਂਗਰਸ ਦੇ ਸਤਬੀਰ ਦਬਲੀਨ ਨੂੰ 28801 ਵੋਟਾਂ ਮਿਲੀਆਂ ਹਨ। 9ਵੇਂ ਗੇੜ ਵਿੱਚ ਭਾਜਪਾ ਦੇ ਕ੍ਰਿਸ਼ਨ ਕੁਮਾਰ ਸਫੀਦੋਂ ਸੀਟ ਤੋਂ 41653 ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ। ਕਾਂਗਰਸ ਦੇ ਸੁਭਾਸ਼ ਗੰਗੋਲੀ ਨੂੰ 41332 ਵੋਟਾਂ ਮਿਲੀਆਂ ਹਨ। ਸਫੀਦੋਂ ਸੀਟ ਤੋਂ ਭਾਜਪਾ ਉਮੀਦਵਾਰ ਜੀਂਦ ਵਿਧਾਨ ਸਭਾ ਸੀਟ ‘ਤੇ 17974 ਵੋਟਾਂ ਨਾਲ ਅੱਗੇ ਹੈ।