Friday, April 19, 2024
spot_img

ਪੀਣ ਵਾਲੇ ਪਾਣੀ ਦੀ ਬਰਬਾਦੀ ਕਰ ਰਹੇ 22 ਪਰਿਵਾਰਾਂ ਨੂੰ ਲੱਗਿਆ 1.1 ਲੱਖ ਦਾ ਜ਼ੁਰਮਾਨਾ

Must read

ਕਰਨਾਟਕ: ਬੇਂਗਲੁਰੂ ਵਿੱਚ 22 ਪਰਿਵਾਰਾਂ ਨੂੰ ਕਾਰਾਂ ਧੋਣ ਅਤੇ ਬਾਗਬਾਨੀ ਵਰਗੇ ਗੈਰ-ਜ਼ਰੂਰੀ ਉਦੇਸ਼ਾਂ ਲਈ ਪੀਣ ਵਾਲੇ ਪਾਣੀ ਦੀ ਵਰਤੋਂ ਕਰਨ ਲਈ ਜੁਰਮਾਨਾ ਲਗਾਇਆ ਗਿਆ ਹੈ। ਕਰਨਾਟਕ ‘ਚ ਪਾਣੀ ਦੇ ਸੰਕਟ ਦੌਰਾਨ ਪਾਣੀ ਦੀ ਸੰਭਾਲ ਲਈ ਜਲ ਸਪਲਾਈ ਬੋਰਡ ਦੇ ਹੁਕਮਾਂ ਦੀ ਉਲੰਘਣਾ ਕਰਨ ‘ਤੇ ਹਰੇਕ ਪਰਿਵਾਰ ਨੂੰ 5,000 ਰੁਪਏ ਦਾ ਜੁਰਮਾਨਾ ਭਰਨਾ ਪਵੇਗਾ। ਬੈਂਗਲੁਰੂ ਜਲ ਸਪਲਾਈ ਅਤੇ ਸੀਵਰੇਜ ਬੋਰਡ (BWSSB) ਨੇ ਕਿਹਾ ਕਿ ਉਸਨੇ 22 ਘਰਾਂ ਤੋਂ 1.1 ਲੱਖ ਰੁਪਏ ਦਾ ਜੁਰਮਾਨਾ ਵਸੂਲਿਆ ਹੈ। ਇਹ ਜੁਰਮਾਨਾ ਸ਼ਹਿਰ ਦੇ ਵੱਖ-ਵੱਖ ਖੇਤਰਾਂ ਤੋਂ ਵਸੂਲਿਆ ਗਿਆ, ਜਿਸ ਵਿਚ ਸਭ ਤੋਂ ਵੱਧ (80,000 ਰੁਪਏ) ਦੱਖਣੀ ਖੇਤਰ ਤੋਂ ਲਏ ਗਏ।

ਹੋਲੀ ਦੇ ਦੌਰਾਨ, BWSSB ਨੇ ਪੂਲ ਪਾਰਟੀਆਂ ਅਤੇ ਰੇਨ ਡਾਂਸ ਲਈ ਕਾਵੇਰੀ ਅਤੇ ਬੋਰਵੈਲ ਦੇ ਪਾਣੀ ਦੀ ਵਰਤੋਂ ਨਾ ਕਰਨ ਦੀ ਸਲਾਹ ਦਿੱਤੀ ਹੈ। ਇਸ ਤੋਂ ਇਲਾਵਾ, ਇੱਕ ਨਵੀਨਤਾਕਾਰੀ ਪ੍ਰੋਗਰਾਮ ਵੀ ਸ਼ੁਰੂ ਕੀਤਾ ਗਿਆ ਹੈ, ਜਿਸ ਵਿੱਚ ਹੋਟਲਾਂ, ਅਪਾਰਟਮੈਂਟਾਂ ਅਤੇ ਉਦਯੋਗਾਂ ਨੂੰ ਪਾਣੀ ਦੀ ਖਪਤ ਘਟਾਉਣ ਲਈ ਏਰੀਏਟਰ ਲਗਾਉਣ ਲਈ ਉਤਸ਼ਾਹਿਤ ਕੀਤਾ ਗਿਆ ਹੈ।

ਮੁੱਖ ਮੰਤਰੀ ਸਿੱਧਰਮਈਆ ਨੇ ਪਿਛਲੇ ਹਫ਼ਤੇ ਕਿਹਾ ਸੀ ਕਿ ਭਾਰਤ ਦੀ ‘ਸਿਲਿਕਨ ਵੈਲੀ’ 2,600 ਐਮਐਲਡੀ ਦੀ ਲੋੜ ਦੇ ਮੁਕਾਬਲੇ 50 ਕਰੋੜ ਲੀਟਰ ਪ੍ਰਤੀ ਦਿਨ (ਐਮਐਲਡੀ) ਪਾਣੀ ਦੀ ਕਮੀ ਦਾ ਸਾਹਮਣਾ ਕਰ ਰਹੀ ਹੈ। ਮੁੱਖ ਮੰਤਰੀ ਅਨੁਸਾਰ ਕੁੱਲ ਲੋੜ ਵਿੱਚੋਂ 1,470 ਐਮਐਲਡੀ ਪਾਣੀ ਕਾਵੇਰੀ ਨਦੀ ਤੋਂ ਆਉਂਦਾ ਹੈ, ਜਦੋਂ ਕਿ 650 ਐਮਐਲਡੀ ਬੋਰਵੈੱਲਾਂ ਤੋਂ ਆਉਂਦਾ ਹੈ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article