ਲੁਧਿਆਣਾ, ਪੰਜਾਬ ਦੇ ਸਾਬਕਾ ਵਿਧਾਇਕ ਤੇ ਲੋਕ ਇਨਸਾਫ਼ ਪਾਰਟੀ ਦੇ ਮੁਖੀ ਸਿਮਰਜੀਤ ਸਿੰਘ ਬੈਂਸ ਦਾ ਫ਼ੋਨ ਹੈਕ ਹੋ ਗਿਆ। ਭਾਜਪਾ ਦੀ ਸਾਬਕਾ ਕੌਂਸਲਰ ਇੰਦਰਾ ਅਗਰਵਾਲ ਦੇ ਪੁੱਤਰ ਸਿਧਾਰਥ ਜਿੰਦਲ ਨੂੰ ਫੋਨ ਹੈਕ ਕਰ ਕੇ ਧਮਕੀਆਂ ਦਿੱਤੀਆਂ ਗਈਆਂ ਸਨ। ਇਹ ਮਾਮਲਾ ਉਸ ਸਮੇਂ ਸਾਹਮਣੇ ਆਇਆ ਜਦੋਂ ਜਿੰਦਲ ਨੇ ਆਪਣੇ ਪਰਿਵਾਰ ਨਾਲ ਇਸ ਸਬੰਧੀ ਗੱਲਬਾਤ ਕੀਤੀ।
ਇਸ ਤੋਂ ਬਾਅਦ ਇੰਦਰਾ ਅਗਰਵਾਲ ਨੇ ਬੈਂਸ ਨੂੰ ਬੁਲਾ ਕੇ ਉਨ੍ਹਾਂ ਨਾਲ ਗੱਲ ਕੀਤੀ। ਜਿਸ ਤੋਂ ਬਾਅਦ ਉਸ ਨੂੰ ਪਤਾ ਲੱਗਾ ਕਿ ਫੋਨ ਹੈਕ ਹੋ ਗਿਆ ਹੈ। ਸਿਮਰਜੀਤ ਸਿੰਘ ਬੈਂਸ ਨੇ ਵੀਰਵਾਰ ਨੂੰ ਇਸ ਮਾਮਲੇ ਦੀ ਸ਼ਿਕਾਇਤ ਲੁਧਿਆਣਾ ਦੇ ਪੁਲਿਸ ਕਮਿਸ਼ਨਰ ਅਤੇ ਪੰਜਾਬ ਦੇ ਡੀਜੀਪੀ ਨੂੰ ਭੇਜ ਦਿੱਤੀ ਹੈ।
ਬੈਂਸ ਨੇ ਦੱਸਿਆ ਕਿ ਬੀਤੀ 12 ਦਸੰਬਰ ਨੂੰ ਕਿਸੇ ਨੇ ਭਾਜਪਾ ਦੇ ਸਾਬਕਾ ਪ੍ਰਧਾਨ ਇੰਦਰਾ ਅਗਰਵਾਲ ਦੇ ਪੁੱਤਰ ਸਿਧਾਰਥ ਅਗਰਵਾਲ ਨੂੰ ਉਸ ਦੇ ਮੋਬਾਈਲ ਨੰਬਰ 98140-93795 ‘ਤੇ ਫ਼ੋਨ ਕੀਤਾ ਅਤੇ ਨਾਮ ਲੈ ਕੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ | ਉਨ੍ਹਾਂ ਲਿਖਿਆ ਕਿ ਸਿਧਾਰਥ ਨੂੰ 12 ਦਸੰਬਰ ਦੀ ਸ਼ਾਮ 7.16 ਵਜੇ ਫੋਨ ਆਇਆ ਸੀ। ਜਦੋਂ ਕਾਲ ਆਈ ਤਾਂ ਮੋਬਾਈਲ ‘ਤੇ ਉਸ ਦਾ ਨੰਬਰ ਦਿਖਾਈ ਦੇ ਰਿਹਾ ਸੀ।
ਬੈਂਸ ਨੇ ਦੱਸਿਆ ਕਿ ਕਾਲ ਤੋਂ ਬਾਅਦ ਸਿਧਾਰਥ ਦਾ ਪਰਿਵਾਰ ਕਾਫੀ ਡਰਿਆ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਫੋਨ ਹੈਕ ਹੋਣ ਕਾਰਨ ਉਹ ਖੁਦ ਪਰੇਸ਼ਾਨ ਹਨ। ਧਮਕੀ ਭਰੇ ਕਾਲ ਵਿੱਚ ਗੋਲੀ ਚਲਾਉਣ ਦੀ ਗੱਲ ਵੀ ਸੀ। ਇਸ ਸਬੰਧੀ ਤੁਰੰਤ ਕਾਰਵਾਈ ਕੀਤੀ ਜਾਵੇ ਅਤੇ ਐਫਆਈਆਰ ਦਰਜ ਕੀਤੀ ਜਾਵੇ।
