ਲੁਧਿਆਣਾ ਦੇ ‘ਆਪ’ ਵਿਧਾਇਕ ਗੁਰਪ੍ਰੀਤ ਗੋਗੀ ਦੇ ਦੁਖਦਾਈ ਦੇਹਾਂਤ ਨਾਲ ਜਿੱਥੇ ਲੁਧਿਆਣਾ ਵਾਸੀਆਂ ਨੂੰ ਅਤੇ ਆਮ ਆਦਮੀ ਪਾਰਟੀ ਨੂੰ ਬਹੁਤ ਵੱਡਾ ਘਾਟਾ ਪਿਆ ਉੱਥੇ ਹੀ ਲੁਧਿਆਣਾ ਨੇ ਇੱਕ ਜਾਨਵਰਾਂ ਨੂੰ ਪਿਆਰ ਕਰਨ ਵਾਲੇ ਇਨਸਾਨ ਨੂੰ ਵੀ ਗੁਆ ਲਿਆ ਹੈ। ਗੁਰਪ੍ਰੀਤ ਗੋਗੀ ਇੱਕ MLA ਹੋਣ ਦੇ ਨਾਲ ਨਾਲ ਇੱਕ ਚੰਗੇ ਇਨਸਾਨ ਵੀ ਸਨ। ਉਹ ਹਮੇਸ਼ਾ ਲੁਧਿਆਣਾ ਦੇ ਲੋਕਾਂ ਦੀ ਆਵਾਜ਼ ਬਣਦੇ ਸਨ।
ਦੱਸ ਦਈਏ ਕਿ ਕੁਝ ਦਿਨ ਪਹਿਲਾਂ ਆਪਣੇ ਹੀ ਹਥਿਆਰ ਨਾਲ ਸਿਰ ਵਿੱਚ ਗੋਲੀ ਲੱਗਣ ਨਾਲ ਗੁਰਪ੍ਰੀਤ ਗੋਗੀ ਦੀ ਮੌਤ ਹੋ ਗਈ। ਆਪਣੀ ਮੌਤ ਤੋਂ ਥੋੜੇ ਦਿਨ ਪਹਿਲਾਂ ਆਮ ਆਦਮੀ ਪਾਰਟੀ ਦੇ ਲੁਧਿਆਣਾ ਪੱਛਮੀ ਤੋਂ ਵਿਧਾਇਕ ਗੁਰਪ੍ਰੀਤ ਬੱਸੀ ਗੋਗੀ ਨੇ ਆਪਣੇ ਮੋਢਿਆਂ ‘ਤੇ ਬੈਠੇ ਕਬੂਤਰਾਂ ਦੇ ਝੁੰਡ ਨੂੰ ਪਿਆਰ ਕਰਦੇ ਹੋਏ ਇੱਕ ਵੀਡੀਓ ਸਾਂਝਾ ਕੀਤਾ ਸੀ, ਜਿਸ ਵਿੱਚ ਉਨ੍ਹਾਂ ਨੇ ਪੰਜਾਬੀ ਟਰੈਕ “ਪੰਛੀ ਉੱਡ ਗਏ ਨੇ, ਸਾਡੀ ਰਹਿ ਗਈ ਚੋਗ ਖਲਾਰੀ, ਉੱਡ ਗਏ ਮਾਰ ਉਡਾਰੀ” ਲਗਾਇਆ ਹੋਇਆ ਸੀ।
ਗੁਰਪ੍ਰੀਤ ਗੋਗੀ ਪਾਲਤੂ ਜਾਨਵਰਾਂ ਦੇ ਨਾਲ ਨਾਲ ਅਵਾਰਾ ਜਾਨਵਰਾਂ ਦਾ ਵੀ ਓਨਾ ਹੀ ਧਿਆਨ ਰੱਖਦੇ ਸਨ ਅਤੇ ਪਿਆਰ ਕਰਦੇ ਸਨ। ਐਨਾ ਹੀ ਨਹੀਂ ਹੰਬੜਾਂ ਰੋਡ ‘ਤੇ ਸਥਿਤ ਗੁਰਪ੍ਰੀਤ ਗੋਗੀ ਨੇ ਆਪਣੇ ਫਾਰਮ ਹਾਊਸ ਵਿੱਚ ਮੁਰਗੇ, ਕਬੂਤਰ, ਗਾਵਾਂ, ਘੋੜੇ, ਬੱਕਰੀਆਂ ਆਦਿ ਰੱਖਿਆ ਹੋਇਆ ਸੀ ਜਿੱਥੇ ਉਹ ਨਿਯਮਿਤ ਤੌਰ ‘ਤੇ ਜਾਂਦੇ ਰਹਿੰਦੇ ਸੀ। ਉਹ ਉਨ੍ਹਾਂ ਸਾਰਿਆਂ ਨੂੰ ਆਪਣੇ ਹੱਥਾਂ ਨਾਲ ਉਨ੍ਹਾਂ ਦਾ ਭੋਜਨ ਖਵਾਉਂਦੇ ਸਨ ਅਤੇ ਉਨ੍ਹਾਂ ਨਾਲ ਖੇਡਦੇ ਸਨ। ਉਨ੍ਹਾਂ ਨੂੰ ਬੱਕਰੀਆਂ ਨੂੰ ਲਾਡ ਨਾਲ ਥੱਪੜ ਮਾਰਨਾ ਅਤੇ ਖੁਆਉਣਾ ਵੀ ਬਹੁਤ ਪਸੰਦ ਸੀ।
ਲੋਕਾਂ ਦਾ ਕਹਿਣਾ ਹੈ ਕਿ “ਅਸੀਂ ਸਿਰਫ਼ ਇਹੀ ਜਾਣਦੇ ਹਾਂ ਕਿ ਇੱਕ ਵਿਅਕਤੀ ਜੋ ਬੇਜ਼ੁਬਾਨ ਜਾਨਵਰਾਂ ਨੂੰ ਪਿਆਰ ਕਰਦਾ ਹੈ ਅਤੇ ਉਨ੍ਹਾਂ ਦੇ ਦਰਦ ਨੂੰ ਮਹਿਸੂਸ ਕਰਦਾ ਹੈ, ਉਹ ਦਿਲੋਂ ਕਿੰਨਾ ਚੰਗਾ ਇਨਸਾਨ ਹੋਵੇਗਾ। ਲੁਧਿਆਣਾ ਨੇ ਨਾ ਸਿਰਫ਼ ਇੱਕ ਵਿਧਾਇਕ ਗੁਆ ਦਿੱਤਾ ਹੈ, ਸਗੋਂ ਇੱਕ ਅਜਿਹਾ ਆਦਮੀ ਵੀ ਗੁਆ ਦਿੱਤਾ ਹੈ ਜੋ ਜਾਨਵਰਾਂ ਦੀ ਦੇਖਭਾਲ ਕਰਦਾ ਸੀ।”
