11 ਤੇ 12 ਜੂਨ ਦੀ ਦਰਮਿਆਨੀ ਰਾਤ ਨੂੰ ਤੇਜ਼ ਹਵਾਵਾਂ ਤੇ ਤੂਫਾਨ ਕਾਰਨ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ (PSPCL) ਨੂੰ ਆਪਣੇ ਉੱਤਰੀ ਖੇਤਰ ਵਿਚ ਲਗਭਗ 1.25 ਕਰੋੜ ਰੁਪਏ ਦਾ ਅਨੁਮਾਨਿਤ ਨੁਕਸਾਨ ਹੋਇਆ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਤੇਜ਼ ਹਵਾਵਾਂ ਨੇ ਸਥਾਨਕ ਬਿਜਲੀ ਵੰਡ ਨੈਟਵਰਕ ਨੂੰ ਭਾਰੀ ਨੁਕਸਾਨ ਪਹੁੰਚਾਇਆ ਜਿਸ ਨਾਲ ਚਾਰ ਮੁੱਖ ਸਰਕਲਾਂ ਵਿਚ 217 ਬਿਜਲੀ ਫੀਡਰ ਠੱਪ ਹੋ ਗਏ।
ਜਾਣਕਾਰੀ ਮੁਤਾਬਕ ਕਪੂਰਥਲਾ ਸਰਕਲ ਸਭ ਤੋਂ ਵੱਧ ਪ੍ਰਭਾਵਿਤ ਹੋਇਆ ਜਿਥੇ ਅਨੁਮਾਨਿਤ ਨੁਕਸਾਨ 70.32 ਲੱਖ ਰੁਪਏ ਦਾ ਹੈ। ਜ਼ਿਲ੍ਹੇ ਵਿਚ 550 ਬਿਜਲੀ ਦੇ ਖੰਭੇ, 56 ਟਰਾਂਸਫਾਰਮਰ ਤੇ ਲਗਭਗ 1 ਕਿਲੋਮੀਟਰ ਕੰਡਕਟਰ ਤਾਰ ਨੁਕਸਾਨੇ ਗਏ। ਹੁਸ਼ਿਆਰਪੁਰ ਸਰਕਲ ਨੂੰ 26.19 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਜਿਸ ਵਿਚ 90 ਖੰਭੇ ਤੇ 21 ਟਰਾਂਸਫਾਰਮਰ ਨੁਕਸਾਨੇ ਗਏ।
