TVS ਨੂੰ ਭਾਰਤ ਵਿੱਚ ਸਭ ਤੋਂ ਪ੍ਰਸਿੱਧ ਦੋਪਹੀਆ ਵਾਹਨ ਨਿਰਮਾਤਾਵਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਖਾਸ ਤੌਰ ‘ਤੇ TVS Apache ਨੂੰ ਦੇਸ਼ ਭਰ ‘ਚ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਇਸ ਲਈ, ਕੰਪਨੀ ਨੇ TVS Apache RTR 160 4V ਬਾਈਕ ਨੂੰ ਲਾਂਚ ਕਰਕੇ ਆਪਣੀ ਲਾਈਨਅੱਪ ਦਾ ਵਿਸਥਾਰ ਕੀਤਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਸ਼ਾਨਦਾਰ ਬਾਈਕ ਨੂੰ ਗੋਆ ‘ਚ ਆਯੋਜਿਤ ਗ੍ਰੈਂਡ ਈਵੈਂਟ MotoSoul-2023 ਦੌਰਾਨ ਲਾਂਚ ਕੀਤਾ ਗਿਆ ਸੀ। ਕੰਪਨੀ ਨੇ ਨਵੀਂ TVS Apache RTR 160 4V ਬਾਈਕ ਨੂੰ 1,34,990 ਰੁਪਏ (ਐਕਸ-ਸ਼ੋਰੂਮ) ਦੀ ਕੀਮਤ ‘ਤੇ ਪੇਸ਼ ਕੀਤਾ ਹੈ।
VS Apache RTR 160 4V ਮੋਟਰਸਾਈਕਲ ਦਾ ਡਿਜ਼ਾਈਨ ਕਾਫੀ ਆਕਰਸ਼ਕ ਹੈ ਅਤੇ ਇਸ ‘ਚ ਨਵੀਂ ਹੈੱਡਲਾਈਟ ਦਿੱਤੀ ਗਈ ਹੈ। ਇਸ ਬਾਈਕ ਨੂੰ ਕੰਪਨੀ ਦੀ ਖਾਸ ਸਮਾਰਟ-ਕਨੈਕਟ ਤਕਨੀਕ ਨਾਲ ਲੈਸ ਕੀਤਾ ਗਿਆ ਹੈ।
ਨਵੀਂ TVS Apache RTR 160 4V ਵਿੱਚ ਤੁਹਾਨੂੰ 3 ਰਾਈਡ ਮੋਡ ਦਿੱਤੇ ਗਏ ਹਨ ਜਿਸ ਵਿੱਚ ਰੇਨ, ਅਰਬਨ ਅਤੇ ਸਪੋਰਟ ਸ਼ਾਮਲ ਹਨ। TVS Apache RTR 160 4V ਬਾਈਕ 4-ਵਾਲਵ, ਆਇਲ-ਕੂਲਡ 157.9 ਸੀਸੀ ਸਿੰਗਲ ਸਿਲੰਡਰ ਇੰਜਣ ਨਾਲ ਲੈਸ ਹੈ।
ਇਹ ਇੰਜਣ 8,600 rpm ‘ਤੇ 15.42 bhp ਦੀ ਅਧਿਕਤਮ ਪਾਵਰ ਅਤੇ 7,250 rpm ‘ਤੇ ਰੇਨ ਅਤੇ ਅਰਬਨ ਦੋਵਾਂ ਮੋਡਾਂ ‘ਤੇ 14.14 Nm ਦਾ ਪੀਕ ਟਾਰਕ ਪੈਦਾ ਕਰਨ ਦੇ ਸਮਰੱਥ ਹੈ।
