ਸੂਬੇ ਦੇ ਰੂਰਲ ਓਲੰਪਿਕ ਖੇਡਾਂ ‘ਚ ਕਿਲ੍ਹਾ ਰਾਏਪੁਰ ਵਿੱਚ ਬੈਲ ਗੱਡੀਆਂ ਦੀਆਂ ਦੌੜਾਂ ਹੋਣ ਜਾ ਰਹੀਆਂ ਹਨ। ਲੁਧਿਆਣਾ ਪ੍ਰਸ਼ਾਸਨ ਵੱਲੋਂ ਕਿਲ੍ਹਾ ਰਾਏਪੁਰ ਖੇਡਾਂ ਦਾ ਸ਼ਡਿਊਲ ਜਾਰੀ ਕਰ ਦਿੱਤਾ ਗਿਆ ਹੈ। ਡਿਪਟੀ ਕਮਿਸ਼ਨਰ ਨੇ ਖੇਡਾਂ ਦੇ ਆਯੋਜਨ ਲਈ 11 ਮੈਂਬਰੀ ਕਮੇਟੀ ਬਣਾਈ ਹੈ। ਬੈਲ ਗੱਡੀਆਂ ਦੀਆਂ ਦੌੜਾਂ ਤਿੰਨੋਂ ਦਿਨ ਆਯੋਜਿਤ ਕੀਤੀਆਂ ਜਾਣਗੀਆਂ। ਇਸ ਤੋਂ ਇਲਾਵਾ ਦੇਸ਼ ਭਰ ਤੋਂ ਕਰਤੱਬ ਬਾਜ ਪਹੁੰਚਣਗੇ ਅਤੇ ਆਪਣੇ ਕਰਤੱਬ ਦਿਖਾਉਣਗੇ। ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਖੇਡਾਂ ਰਵਾਇਤੀ ਢੰਗ ਨਾਲ ਕਰਵਾਈਆਂ ਜਾਣਗੀਆਂ।
ਡਿਪਟੀ ਕਮਿਸ਼ਨਰ ਵੱਲੋਂ ਸਪੱਸ਼ਟ ਕੀਤਾ ਗਿਆ ਹੈ ਕਿ ਬੈਲ ਗੱਡੀਆਂ ਦੇ ਮਾਲਕਾਂ ਨੂੰ ਬੈਲ ਗੱਡੀਆਂ ਦੀਆਂ ਦੌੜਾਂ ਵਿੱਚ ਹਿੱਸਾ ਲੈਣ ਲਈ ਪਹਿਲਾਂ ਰਜਿਸਟ੍ਰੇਸ਼ਨ ਕਰਵਾਉਣੀ ਪਵੇਗੀ। ਬਿਨਾਂ ਰਜਿਸਟ੍ਰੇਸ਼ਨ ਤੋਂ ਕਿਸੇ ਵੀ ਬੈਲ ਗੱਡੀ ਨੂੰ ਹਿੱਸਾ ਲੈਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ। ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਬੈਲ ਗੱਡੀਆਂ ਲਈ ਰਜਿਸਟ੍ਰੇਸ਼ਨ ਮੁਫ਼ਤ ਹੋਵੇਗੀ। ਦੱਸ ਦਈਏ ਕਿ ਇਨ੍ਹਾਂ ਖੇਡਾਂ ਦਾ ਸਾਰਾ ਖਰਚਾ ਪੰਜਾਬ ਸਰਕਾਰ ਚੁੱਕ ਰਹੀ ਹੈ।
30 ਜਨਵਰੀ ਤੋਂ 1 ਫਰਵਰੀ ਤੱਕ ਖੇਡਾਂ ਦਾ ਸ਼ੈਡਿਊਲ
ਬੈਲ ਗੱਡੀਆਂ ਦੀਆਂ ਦੌੜਾਂ ਤਿੰਨੋਂ ਦਿਨ ਹੋਣਗੀਆਂ। 30 ਜਨਵਰੀ, 31 ਜਨਵਰੀ ਅਤੇ 1 ਫਰਵਰੀ ਨੂੰ ਪੰਜਾਬੀ ਗਾਇਕ ਰਾਤ ਨੂੰ ਅਖਾੜੇ ਵਿੱਚ ਪ੍ਰਦਰਸ਼ਨ ਕਰਨਗੇ।
30 ਜਨਵਰੀ: ਹਾਕੀ ਮੈਚ (ਮੁੰਡੇ ਓਪਨ), ਹਾਕੀ ਮੈਚ (ਕੁੜੀਆਂ ਓਪਨ), 1500 ਮੀਟਰ ਫਾਈਨਲ (ਮੁੰਡੇ ਅਤੇ ਕੁੜੀਆਂ), 400 ਮੀਟਰ ਹੀਟਸ/ਫਾਈਨਲ (ਮੁੰਡੇ ਅਤੇ ਕੁੜੀਆਂ), 60 ਮੀਟਰ ਦੌੜ (ਪ੍ਰਾਇਮਰੀ ਸਕੂਲ ਮੁੰਡੇ ਅਤੇ ਕੁੜੀਆਂ), ਅਤੇ ਬੈਲ ਗੱਡੀਆਂ ਦੀਆਂ ਦੌੜਾਂ (ਦੁਪਹਿਰ 12.15 ਵਜੇ ਤੋਂ ਸ਼ਾਮ ਤੱਕ)। ਉਦਘਾਟਨੀ ਸਮਾਰੋਹ ਵਿੱਚ ਗਿੱਧਾ, ਭੰਗੜਾ ਅਤੇ ਨਿਹੰਗ ਸਿੰਘ ਪ੍ਰਦਰਸ਼ਨ ਵੀ ਹੋਣਗੇ।
31 ਜਨਵਰੀ: ਹਾਕੀ ਸੈਮੀਫਾਈਨਲ (ਮੁੰਡੇ ਅਤੇ ਕੁੜੀਆਂ), ਕਬੱਡੀ ਸਰਕਲ ਸਟਾਈਲ (ਮੁੰਡੇ ਅਤੇ ਕੁੜੀਆਂ), ਕਬੱਡੀ ਨੈਸ਼ਨਲ ਸਟਾਈਲ ਅੰਡਰ-17 (ਕੁੜੀਆਂ), ਸ਼ਾਟ ਪੁਟ, ਲੰਬੀ ਛਾਲ, 100 ਮੀਟਰ ਦੌੜ, ਰੱਸਾਕਸ਼ੀ, ਅਤੇ ਬੈਲ ਗੱਡੀਆਂ ਦੀਆਂ ਦੌੜਾਂ (ਦੁਪਹਿਰ ਅਤੇ ਸ਼ਾਮ)।
1 ਫਰਵਰੀ: ਕਬੱਡੀ ਨੈਸ਼ਨਲ ਸਟਾਈਲ ਅੰਡਰ-17 (ਲੜਕੀਆਂ), 200 ਅਤੇ 800 ਮੀਟਰ ਦੌੜ, ਉੱਚੀ ਛਾਲ, ਸ਼ਾਟ ਪੁੱਟ ਫਾਈਨਲ, ਸਾਈਕਲ ਦੌੜ, 65+, 75+, 80+ ਉਮਰ ਵਰਗ ਦੌੜ, ਟਰਾਲੀ ਲੋਡਿੰਗ-ਅਨਲੋਡਿੰਗ, ਟ੍ਰਾਈਸਾਈਕਲ ਦੌੜ ਅਤੇ ਬੈਲਗੱਡੀਆਂ ਦੌੜ ਦਾ ਆਯੋਜਨ ਕੀਤਾ ਜਾਵੇਗਾ।
ਬੱਲਗੱਡੀਆਂ ਦੀ ਰਜਿਸਟ੍ਰੇਸ਼ਨ ਵਾਸਤੇ ਕਮੇਟੀ ਨਾਲ ਹੇਠ ਲਿਖੇ ਨੰਬਰਾਂ ‘ਤੇ ਸੰਪਰਕ ਕਰ ਸਕਦੇ ਹੋ :
ਡਾ. ਹਰਜਿੰਦਰ ਸਿੰਘ, ਸਹਾਇਕ ਡਾਇਰੈਕਟਰ, ਪਸ਼ੂ ਪਾਲਣ ਵਿਭਾਗ, ਲੁਧਿਆਣਾ (91151-15153)
ਗੁਰਿੰਦਰ ਸਿੰਘ, ਵੇਟ ਲਿਫਟਿੰਗ ਕੋਚ (94176-54688)
ਕੰਵਲਜੀਤ ਸਿੰਘ, ਵੇਟ ਲਿਫਟਿੰਗ ਕੋਚ (83606-03295)
ਦਿਲਜੋਤ ਸਿੰਘ (97811-22303)
ਗੁਰਦੀਪ ਸਿੰਘ (77102-75748)
ਹਰਜੀਤ ਸਿੰਘ (98725-26000)
ਗੁਰਵਿੰਦਰ ਸਿੰਘ (98556-39080)
ਰਾਜਿੰਦਰ ਸਿੰਘ (98761-04195)
ਜਗਦੀਪ ਸਿੰਘ (98789-66894)
ਮਨਜਿੰਦਰ ਸਿੰਘ (98140-76143)
ਗੁਰਿੰਦਰ ਸਿੰਘ (94177-78016)
