ਨਵੀਂ ਮਾਰੂਤੀ ਸਵਿਫਟ ਬੁਕਿੰਗ: ਮਾਰੂਤੀ ਸੁਜ਼ੂਕੀ ਸਵਿਫਟ ਭਾਰਤੀ ਬਾਜ਼ਾਰ ਵਿੱਚ ਸਭ ਤੋਂ ਪ੍ਰਸਿੱਧ ਹੈਚਬੈਕ ਹੈ। ਕੰਪਨੀ ਜਲਦ ਹੀ ਸਵਿਫਟ ਦਾ ਨਵਾਂ ਮਾਡਲ ਲਾਂਚ ਕਰਨ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ ਮਾਰੂਤੀ ਸੁਜ਼ੂਕੀ ਨੇ 2024 ਸਵਿਫਟ ਦੀ ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਦਿਲਚਸਪੀ ਰੱਖਣ ਵਾਲੇ ਗਾਹਕ ਨਵੀਂ ਮਾਰੂਤੀ ਸਵਿਫਟ ਨੂੰ 11,000 ਰੁਪਏ ਦੀ ਟੋਕਨ ਰਕਮ ਨਾਲ, ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਔਨਲਾਈਨ ਜਾਂ Arena ਡੀਲਰਸ਼ਿਪਾਂ ਰਾਹੀਂ ਔਫਲਾਈਨ ਬੁੱਕ ਕਰ ਸਕਦੇ ਹਨ।
ਮਾਰੂਤੀ ਸੁਜ਼ੂਕੀ ਸਵਿਫਟ ਦਾ ਥਰਡ ਜਨਰੇਸ਼ਨ ਮਾਡਲ ਫਿਲਹਾਲ ਬਾਜ਼ਾਰ ‘ਚ ਵਿਕ ਰਿਹਾ ਹੈ। ਸਵਿਫਟ ਦੇ ਲਾਂਚ ਹੋਣ ਤੋਂ ਬਾਅਦ ਭਾਰਤ ‘ਚ ਕਰੀਬ 29 ਲੱਖ ਲੋਕ ਇਸ ਕਾਰ ਨੂੰ ਖਰੀਦ ਚੁੱਕੇ ਹਨ। ਬਾਜ਼ਾਰ ‘ਚ ਆਧੁਨਿਕ ਫੀਚਰਸ ਵਾਲੀਆਂ ਕਾਰਾਂ ਦੀ ਵਧਦੀ ਲੋਕਪ੍ਰਿਯਤਾ ਕਾਰਨ ਕੰਪਨੀ ਹੁਣ ਚੌਥੀ ਜਨਰੇਸ਼ਨ ਸਵਿਫਟ ਨੂੰ ਲਾਂਚ ਕਰਨ ਜਾ ਰਹੀ ਹੈ। ਰਿਪੋਰਟ ਮੁਤਾਬਕ 4th Gen Swift ਨੂੰ ਮਈ ਦੇ ਦੂਜੇ ਹਫਤੇ ਲਾਂਚ ਕੀਤਾ ਜਾਵੇਗਾ।
