ਮਰਹੂਮ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਨੂੰ ਅੱਜ ਯਾਨੀ 29 ਮਈ 2025 ਨੂੰ ਤਿੰਨ ਸਾਲ ਹੋ ਗਏ ਹਨ। ਪਰ ਸਿੱਧੂ ਦੇ ਮਾਪਿਆ ਨੂੰ ਅਜੇ ਤੱਕ ਆਪਣੇ ਪੁੱਤ ਦੇ ਕਤਲ ਦਾ ਇਨਸਾਫ਼ ਨਹੀਂ ਮਿਲਿਆ।
ਸਿੱਧੂ ਮੂਸੇਵਾਲਾ ਦੀ ਮਾਤਾ ਚਰਨ ਕੌਰ ਅਤੇ ਪਿਤਾ ਬਲਕੌਰ ਸਿੰਘ ਵੱਲੋਂ ਉਨ੍ਹਾਂ ਦੇ ਪੁੱਤ ਨੂੰ ਪਿਆਰ ਕਰਨ ਵਾਲਿਆਂ ਨੂੰ ਬੇਨਤੀ ਕੀਤੀ ਗਈ ਹੈ। ਸ਼ੁੱਭਦੀਪ ਸਿੰਘ ਸਿੱਧੂ ਦੀ ਮਾਂ ਚਰਨ ਕੌਰ ਨੇ ਆਪਣੇ ਸੋਸ਼ਲ ਮੀਡੀਆ ‘ਤੇ ਸਿੱਧੂ ਦੇ ਇਨਸਾਫ਼ ਲਈ ਇੱਕ ਪੋਸਟ ਸਾਂਝੀ ਕਰਕੇ ਕਿਹਾ, “ਅਸੀਂ ਸਾਡੇ ਪੁੱਤਰ ਨੂੰ ਪਿਆਰ ਕਰਨ ਵਾਲੇ ਤਮਾਮ ਭੈਣ ਭਰਾਵਾਂ ਨੂੰ ਬੇਨਤੀ ਕਰਨਾ ਚਾਹੁੰਦੇ ਹਾਂ ਕਿ 29 ਮਈ ਦੀ ਸ਼ਾਮ ਨੂੰ ਆਪਣੇ ਆਪਣੇ ਸਥਾਨਕ ਸ਼ਹਿਰਾ ‘ਤੇ ਪਿੰਡਾ ਵਿੱਚ ਇੱਕ ਸ਼ਾਤੀਪੂਰਨ ਮੋਮਬੱਤੀ ਮਾਰਚ ਕਰਕੇ ਸੁਭਦੀਪ ਦੀ ਯਾਦ ਨੂੰ ਸਨਮਾਨ ਦਿਓ, ਇਹ ਰੌਸ਼ਨੀ ਸਾਡੀ ਉਮੀਦ ਬਣੇ ਕਿ ਕਦੇ ਨਾ ਕਦੇ ਸਾਡੇ ਪੁੱਤ ਲਈ ਇਨਸਾਫ ਮਿਲੇ, ਆਓ ਮਿਲ ਕੇ ਸਰਕਾਰ ਤੱਕ ਆਪਣੀ ਆਵਾਜ਼ ਪਹੁੰਚਾਈਏ, “ਵੱਲੋਂ ਸਿੱਧੂ ਪਰਿਵਾਰ”
