1 ਜੁਲਾਈ ਤੋਂ ਪ੍ਰਾਈਵੇਟ ਬੈਂਕਾਂ ਦੇ ਕੁਝ ਨਿਯਮ ਬਦਲਣ ਜਾ ਰਹੇ ਹਨ। ICICI ਬੈਂਕ ਨੇ ਕੁਝ ਲੈਣ-ਦੇਣ ‘ਤੇ ਆਪਣੇ ਸੇਵਾ ਖਰਚਿਆਂ ਵਿੱਚ ਬਦਲਾਅ ਕੀਤਾ ਹੈ। ਇਸ ਦੇ ਨਾਲ ਹੀ HDFC ਬੈਂਕ ਨੇ ਆਪਣੇ ਕ੍ਰੈਡਿਟ ਕਾਰਡ ਨਾਲ ਸਬੰਧਤ ਨਿਯਮ ਅਤੇ ਸ਼ਰਤਾਂ ਵਿੱਚ ਵੀ ਬਦਲਾਅ ਕੀਤਾ ਹੈ। ਜੇਕਰ ਤੁਸੀਂ ਇਨ੍ਹਾਂ ਦੋਵਾਂ ਬੈਂਕਾਂ ਦੀਆਂ ਸੇਵਾਵਾਂ ਲੈਂਦੇ ਹੋ, ਤਾਂ ਇਹ ਬਦਲਾਅ ਤੁਹਾਡੇ ‘ਤੇ ਅਸਰ ਪਾ ਸਕਦੇ ਹਨ।
ICICI ਬੈਂਕ ਨੇ ATM ਅਤੇ IMPS ਲੈਣ-ਦੇਣ ‘ਤੇ ਲਗਾਏ ਜਾਣ ਵਾਲੇ ਖਰਚਿਆਂ ਨੂੰ ਬਦਲ ਦਿੱਤਾ ਹੈ। ਜੇਕਰ ਤੁਸੀਂ ਬੈਂਕ ਦੇ ਗਾਹਕ ਹੋ ਅਤੇ ਕਿਸੇ ਹੋਰ ਬੈਂਕ ਦੇ ATM ਦੀ ਵਰਤੋਂ ਕਰਦੇ ਹੋ, ਤਾਂ ਕੁਝ ਲੈਣ-ਦੇਣ ਤੋਂ ਬਾਅਦ ਤੁਹਾਨੂੰ ਵਾਧੂ ਖਰਚੇ ਦੇਣੇ ਪੈਣਗੇ।
ATM ਲੈਣ-ਦੇਣ ‘ਤੇ ਨਵਾਂ ਚਾਰਜ
- ਮਹਾਂਨਗਰਾਂ ਵਿੱਚ: ਹਰ ਮਹੀਨੇ 3 ਲੈਣ-ਦੇਣ ਮੁਫ਼ਤ ਹੋਣਗੇ।
- ਗੈਰ-ਮਹਾਂਨਗਰ (ਛੋਟੇ) ਸ਼ਹਿਰਾਂ ਵਿੱਚ: ਹਰ ਮਹੀਨੇ 5 ਲੈਣ-ਦੇਣ ਮੁਫ਼ਤ ਹੋਣਗੇ।
- ਇਸ ਤੋਂ ਬਾਅਦ, ਜੇਕਰ ਤੁਸੀਂ ਪੈਸੇ ਕਢਵਾਉਂਦੇ ਹੋ (ਵਿੱਤੀ ਲੈਣ-ਦੇਣ), ਤਾਂ ਤੁਹਾਨੂੰ ਪ੍ਰਤੀ ਲੈਣ-ਦੇਣ ਰੁ : 23 ਦਾ ਭੁਗਤਾਨ ਕਰਨਾ ਪਵੇਗਾ। (ਪਹਿਲਾਂ ਇਹ ਰੁ : 21 ਸੀ)
- ਜੇਕਰ ਤੁਸੀਂ ਸਿਰਫ਼ ਬਕਾਇਆ ਚੈੱਕ ਕਰਦੇ ਹੋ ਜਾਂ ਹੋਰ ਗੈਰ-ਵਿੱਤੀ ਕੰਮ ਕਰਦੇ ਹੋ, ਤਾਂ ਪ੍ਰਤੀ ਲੈਣ-ਦੇਣ ਰੁ : 8.5 ਦਾ ਚਾਰਜ ਲਿਆ ਜਾਵੇਗਾ।
IMPS ਲੈਣ-ਦੇਣ ‘ਤੇ ਨਵੇਂ ਚਾਰਜ:
- ਹੁਣ ਤੁਹਾਨੂੰ ਤੁਰੰਤ ਭੁਗਤਾਨ ਸੇਵਾ (IMPS) ਰਾਹੀਂ ਪੈਸੇ ਭੇਜਣ ਵੇਲੇ ਲੈਣ-ਦੇਣ ਦੀ ਰਕਮ ਦੇ ਆਧਾਰ ‘ਤੇ ਫੀਸ ਦੇਣੀ ਪਵੇਗੀ:
- ਰੁ : 1,000 ਤੱਕ: ਰੁ : 2.50 ਪ੍ਰਤੀ ਲੈਣ-ਦੇਣ
- ਰੁ : 1,000 ਤੋਂ ਰੁ : 1 ਲੱਖ: ਰੁ : 5 ਪ੍ਰਤੀ ਲੈਣ-ਦੇਣ
- ਰੁ : 1 ਲੱਖ ਤੋਂ ਰੁ : 5 ਲੱਖ: ਰੁ : 15 ਪ੍ਰਤੀ ਲੈਣ-ਦੇਣ
ਨੋਟ: ਇਹ ਸਾਰੇ ਖਰਚੇ ਟੈਕਸ ਤੋਂ ਬਿਨਾਂ ਹਨ, ਯਾਨੀ ਕਿ ਟੈਕਸ ਵੱਖਰੇ ਤੌਰ ‘ਤੇ ਜੋੜਿਆ ਜਾਵੇਗਾ।
ਨਕਦੀ ਕਢਵਾਉਣ ‘ਤੇ ਖਰਚੇ
ਗਾਹਕਾਂ ਨੂੰ ਹਰ ਮਹੀਨੇ ਸਿਰਫ਼ ਤਿੰਨ ਵਾਰ ਮੁਫ਼ਤ ਨਕਦੀ ਕਢਵਾਉਣ ਦੀ ਸਹੂਲਤ ਮਿਲਦੀ ਹੈ। ਇਸ ਤੋਂ ਬਾਅਦ, ਹਰ ਵਾਰ ਨਕਦੀ ਕਢਵਾਉਣ ‘ਤੇ ਰੁ : 150 ਦੀ ਫੀਸ ਦੇਣੀ ਪਵੇਗੀ। ਜੇਕਰ ਤੁਸੀਂ ਇੱਕ ਮਹੀਨੇ ਵਿੱਚ ਰੁ : 1 ਲੱਖ ਤੋਂ ਵੱਧ ਕਢਵਾਉਂਦੇ ਹੋ, ਤਾਂ ਤੁਹਾਨੂੰ ਹਰ ਰੁ : 1,000 ਲਈ ਰੁ : 3.5 ਜਾਂ ਰੁ : 150 (ਜੋ ਵੀ ਵੱਧ ਹੋਵੇ) ਦਾ ਖਰਚਾ ਦੇਣਾ ਪਵੇਗਾ।
ਡੈਬਿਟ ਕਾਰਡ ‘ਤੇ ਖਰਚੇ
- ਇੱਕ ਆਮ ਡੈਬਿਟ ਕਾਰਡ ਲਈ ਸਾਲਾਨਾ ਫੀਸ ਰੁ : 300 ਹੈ।
- ਪੇਂਡੂ ਖੇਤਰਾਂ ਦੇ ਗਾਹਕਾਂ ਲਈ, ਸਾਲਾਨਾ ਫੀਸ ਰੁ : 150 ਹੈ।
- ਜੇਕਰ ਕਾਰਡ ਗੁੰਮ ਜਾਂ ਖਰਾਬ ਹੋ ਜਾਂਦਾ ਹੈ, ਤਾਂ ਨਵਾਂ ਕਾਰਡ ਲੈਣ ਲਈ ਰੁ : 300 ਦੀ ਫੀਸ ਦੇਣੀ ਪਵੇਗੀ।
