ਪਟਿਆਲਾ ਦੇ ਸ਼ੰਭੂ ਅਤੇ ਰਾਜਪੁਰਾ ਦੇ ਵਿਚਕਾਰ ਬਠੋਨੀਆ ਪਿੰਡ ਨੇੜੇ ਰੇਲਵੇ ਟਰੈਕ ‘ਤੇ ਬੀਤੀ ਦੇਰ ਰਾਤ ਇੱਕ ਧਮਾਕਾ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਰੇਲਵੇ ਟਰੈਕ ਨੇੜੇ ਧਮਾਕੇ ਵਾਲੀ ਥਾਂ ‘ਤੇ ਇੱਕ ਵਿਅਕਤੀ ਦੀ ਦੇਹ ਟੁਕੜਿਆਂ ਵਿੱਚ ਮਿਲੀ ਹੈ। ਸੂਚਨਾ ਮਿਲਦੇ ਹੀ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਇਹ ਧਮਾਕਾ ਬੀਤੀ ਰਾਤ ਕਰੀਬ 9:30 ਵਜੇ ਹੋਇਆ ਹੈ। ਡੀਆਈਜੀ ਕੁਲਦੀਪ ਚਾਹਲ ਅਤੇ ਐਸਐਸਪੀ ਵਰੁਣ ਸ਼ਰਮਾ ਮੌਕੇ ‘ਤੇ ਪਹੁੰਚੇ। ਪੁਲਿਸ ਨੂੰ ਸ਼ੱਕ ਹੈ ਕਿ ਰੇਲਵੇ ਟਰੈਕ ਨੇੜੇ ਮਿਲੀ ਵਿਅਕਤੀ ਦੇ ਦੇਹ ਦੇ ਟੁਕੜੇ ਦੋਸ਼ੀ ਦੇ ਹੋ ਸਕਦੇ ਹਨ, ਜੋ ਪਟੜੀਆਂ ‘ਤੇ ਬੰਬ ਲਗਾਉਂਦੇ ਸਮੇਂ ਗਲਤੀ ਨਾਲ ਫਟ ਗਿਆ ਹੋ ਸਕਦਾ ਹੈ।
