ਮਰਹੂਮ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦਾ ਨਵਾਂ ਗਾਣਾ ‘ਬਰੋਟਾ’ ਅੱਜ ਯਾਨੀ 28 ਨਵੰਬਰ ਨੂੰ ਰਿਲੀਜ਼ ਹੋ ਚੁੱਕਿਆ ਹੈ। ਗੀਤ ਦੇ ਰਿਲੀਜ਼ ਹੋਣ ਦੇ ਪਹਿਲੇ 5 ਮਿੰਟ ਵਿਚ ਹੀ ਗਾਣੇ ਨੂੰ 4 ਹਜ਼ਾਰ ਤੋਂ ਵੱਧ ਵਿਊਜ਼ ਤੇ 10 ਲੱਖ ਕਮੈਂਟ ਮਿਲ ਚੁੱਕੇ ਹਨ। ਸਿੱਧੂ ਮੂਸੇਵਾਲਾ ਦੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਸ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਇਕ ਦਿਨ ਪਹਿਲਾਂ ਹੀ ਨਵੇਂ ਗੀਤ ਬਰੋਟਾ ਦਾ ਟੀਜਰ ਰਿਲੀਜ਼ ਕੀਤਾ ਗਿਆ ਸੀ, ਜਿਸ ਨੂੰ ਦਰਸ਼ਕਾਂ ਦਾ ਖੂਬ ਪਿਆਰ ਮਿਲਿਆ ਹੈ।
ਮੂਸੇਵਾਲਾ ਦਾ ਨਵਾਂ ਗੀਤ 4 ਮਿੰਟ 3 ਸੈਕੰਡ ਦਾ ਹੈ। ਫੈਨਜ਼ ਇਸ ਨੂੰ ਤੇਜ਼ੀ ਨਾਲ ਉਨ੍ਹਾਂ ਦੇ ਯੂਟਿਊਬ ਚੈਨਲ ‘ਤੇ ਦੇਖ ਰਹੇ ਹਨ। ਤੇਜ਼ੀ ਨਾਲ ਗੀਤ ਸੁਣਨ ਵਾਲਿਆਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਸਿੱਧੂ ਦੇ ਗੀਤ ਨੂੰ ਲੈ ਕੇ ਕ੍ਰੇਜ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ 10 ਮਿੰਟ ਦੇ ਅੰਦਰ ਹੀ 10 ਲੱਖ ਤੋਂ ਵੱਧ ਲਾਈਕ ਮਿਲ ਚੁੱਕੇ ਹਨ।
ਮੂਸੇਵਾਲਾ ਦੇ ਨਵੇਂ ਗਾਣੇ ਬਰੋਟਾ ਨੂੰ ਬਣਾਉਣ ਵਿਚ ਲੱਗੀ ਟੀਮ ਨੇ ਬਿਹਾਈਂਡ ਦਿ ਸੀਨ ਦਾ ਇਕ ਵੀਡੀਓ ਵੀ ਇੰਸਟਾਗ੍ਰਾਮ ‘ਤੇ ਅਪਲੋਡ ਕੀਤਾ ਹੈ। ਗਾਣੇ ਨੂੰ ਬਣਾ ਰਹੇ ਦਿ ਕਿਡ ਸਟੂਡੀਓ ਨੇ ਫਾਈਨਲ ਐਡੀਟਿੰਗ ਦਾ ਕੰਮ ਕਰਨ ਦਾ ਇਕ ਪਿਆਰਾ ਜਿਹਾ ਬਿਹਾਈਂਡ ਦਿ ਸੀਨਸ ਵੀਡੀਓ ਪਾ ਕੇ ਕਿਹਾ ਹੈ ਕਿ ਕੁਝ ਦੇਰ ਇੰਤਜ਼ਾਰ ਕਰੋ, ਤਿਆਰੀ ਪੂਰੀ ਹੋ ਚੁੱਕੀ ਹੈ। ਮੂਸੇਵਾਲਾ ਦੇ ਨਵੇਂ ਗੀਤ ‘ਬਰੋਟਾ’ ਦੇ ਟੀਜਰ ਦੇ ਬੋਲ ਹਨ-‘ਕੋਈ ਨੇੜੇ-ਤੇੜੇ ਨਈਂ ਸੀ ਖੱਬੀ ਖਾਨ ਜੰਮਿਆ, ਹੋ, ਅੰਬੋ ਜਸਵੰਤੀ ਆਲੇ ਪੋਤੇ ਨਾਲ ਦਾ’।




