ਮਰਹੂਮ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦਾ ਨਵਾਂ ਗੀਤ ਰਿਲੀਜ਼ ਹੋਣ ਵਾਲਾ ਹੈ। ਸਿੱਧੂ ਮੂਸੇਵਾਲਾ ਦੀ ਟੀਮ ਵੱਲੋਂ ਉਸਦੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਇੱਕ ਪੋਸਟਰ ਜਾਰੀ ਕੀਤਾ ਗਿਆ ਹੈ। ਪੋਸਟਰ ਵਿੱਚ ਰੱਸੀਆਂ ਨਾਲ ਇੱਕ ਵੱਡੇ ਦਰੱਖਤ ਤੋਂ ਲਟਕਦੀਆਂ ਬੰਦੂਕਾਂ ਨੂੰ ਦਰਸਾਇਆ ਗਿਆ ਹੈ।
ਪ੍ਰਸ਼ੰਸਕਾਂ ‘ਚ ਪੋਸਟਰ ਰਿਲੀਜ ਹੋਣ ਤੋਂ ਪਹਿਲਾਂ ਹੀ ਕਰੇਜ ਵਧ ਗਿਆ ਸੀ, ਪ੍ਰਸ਼ੰਸਕ ਗੀਤ ਦੀ ਰਿਲੀਜ਼ ਬਾਰੇ ਅੰਦਾਜ਼ੇ ਲਗਾ ਰਹੇ ਹਨ।
ਮੂਸੇਵਾਲਾ ਦੇ ਪਿਤਾ, ਬਲਕੌਰ ਸਿੰਘ, ਕਹਿੰਦੇ ਹਨ ਕਿ ਇਹ ਗੀਤ 30 ਨਵੰਬਰ ਨੂੰ ਜਾਂ ਇਸ ਤੋਂ ਪਹਿਲਾਂ ਰਿਲੀਜ਼ ਕੀਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਇਸ ਗਾਣੇ ਦੀ ਸ਼ੂਟਿੰਗ ਪੂਰੀ ਹੋ ਗਈ ਹੈ ਅਤੇ ਅੰਤਿਮ ਰਿਲੀਜ਼ ਮਿਤੀ ਬਾਕੀ ਹੈ। ਟਰੈਕ ਦਾ ਸਿਰਲੇਖ “ਬਰੋਟਾ” ਰੱਖਿਆ ਗਿਆ ਹੈ।
