ਭਾਰਤੀ ਰਿਜ਼ਰਵ ਬੈਂਕ ਵੱਲੋਂ ਬੱਚਿਆਂ ਨੂੰ ਜਲਦੀ ਵਿੱਤੀ ਆਜ਼ਾਦੀ ਦੇਣ ਲਈ ਇੱਕ ਵੱਡਾ ਕਦਮ ਚੁੱਕਿਆ ਗਿਆ ਹੈ। ਆਰਬੀਆਈ ਦੇ ਨਵੇਂ ਨਿਯਮਾਂ ਅਨੁਸਾਰ ਹੁਣ 10 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਬੱਚੇ ਆਪਣੇ ਬੱਚਤ ਅਤੇ ਐਫਡੀ ਖਾਤੇ ਖੁਦ ਖੋਲ੍ਹ ਅਤੇ ਚਲਾ ਸਕਣਗੇ। ਇਹ ਨਿਯਮ ਆਰਬੀਆਈ ਨੇ 21 ਅਪ੍ਰੈਲ 2025 ਨੂੰ ਜਾਰੀ ਕੀਤਾ ਹੈ।
ਆਰਬੀਆਈ ਨੇ ਬੈਂਕਾਂ ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਉਹ 10 ਸਾਲ ਤੋਂ ਵੱਧ ਉਮਰ ਦੇ ਬੱਚਿਆਂ ਨੂੰ ਆਪਣੇ ਬੱਚਤ ਅਤੇ ਐਫਡੀ ਖਾਤੇ ਖੋਲ੍ਹਣ ਅਤੇ ਚਲਾਉਣ ਦੀ ਆਗਿਆ ਦੇਣ। ਹਾਲਾਂਕਿ, ਬੈਂਕ ਆਪਣੇ ਜੋਖਮ ਨਿਯਮਾਂ ਦੇ ਆਧਾਰ ‘ਤੇ ਕੁਝ ਸੀਮਾਵਾਂ ਨਿਰਧਾਰਤ ਕਰਨਗੇ। ਇਹ ਨਿਯਮ ਬੱਚਿਆਂ ਨੂੰ ਬੈਂਕਿੰਗ ਪ੍ਰਣਾਲੀ ਨਾਲ ਜੋੜਨ ਵੱਲ ਇੱਕ ਵੱਡਾ ਕਦਮ ਹੈ।
ਖਾਤਾ 10 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਵੀ ਖੋਲ੍ਹਿਆ ਜਾ ਸਕਦਾ ਹੈ ਪਰ ਇਹ ਉਨ੍ਹਾਂ ਦੇ ਮਾਪਿਆਂ ਜਾਂ ਕਾਨੂੰਨੀ ਸਰਪ੍ਰਸਤਾਂ ਦੁਆਰਾ ਚਲਾਇਆ ਜਾਵੇਗਾ। ਆਰਬੀਆਈ ਨੇ 1976 ਦੇ ਆਪਣੇ ਪੁਰਾਣੇ ਨਿਯਮ ਨੂੰ ਦੁਹਰਾਇਆ ਹੈ ਜਿਸ ਵਿੱਚ ਮਾਂ ਨੂੰ ਵੀ ਸਰਪ੍ਰਸਤ ਬਣਨ ਦੀ ਆਗਿਆ ਹੈ। 10 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਬੱਚੇ ਆਪਣਾ ਖਾਤਾ ਖੁਦ ਚਲਾ ਸਕਦੇ ਹਨ। ਪਰ ਬੈਂਕ ਆਪਣੇ ਨਿਯਮਾਂ ਅਨੁਸਾਰ ਕੁਝ ਸੀਮਾਵਾਂ ਤੈਅ ਕਰਨਗੇ, ਜਿਵੇਂ ਕਿ ਕਿੰਨਾ ਪੈਸਾ ਜਮ੍ਹਾ ਜਾਂ ਕਢਵਾਇਆ ਜਾ ਸਕਦਾ ਹੈ। ਇਹ ਨਿਯਮ ਬੱਚਿਆਂ ਅਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਸਪੱਸ਼ਟ ਤੌਰ ‘ਤੇ ਦੱਸੇ ਜਾਣਗੇ।
