Royal Enfield ਨੌਜਵਾਨਾਂ ਦਾ ਪਸੰਦੀਦਾ ਬਾਈਕ ਹੈ ਅਤੇ Hunter 350 ਹਰ ਕਿਸੇ ਦੀ ਪਹਿਲੀ ਪਸੰਦ ਬਣ ਗਈ ਹੈ। ਕਲਾਸਿਕ ਲੁੱਕ ਅਤੇ ਦਮਦਾਰ ਪਰਫਾਰਮੈਂਸ ਦੇ ਨਾਲ Hunter 350 ਵਿੱਚ ਸਭ ਕੁੱਝ ਹੈ। Royal Enfield ਦੀ ਇਹ ਸਭ ਤੋਂ ਸਸਤੀ ਬਾਈਕ ਹੈ। ਇਸ ਨੂੰ ਤੁਸੀਂ ਬਹੁਤ ਹੀ ਘੱਟ ਰੇਟ ਵਿੱਚ ਖਰੀਦ ਸਕਦੇ ਹੋ। Royal Enfield Hunter 350 ਦੀ ਕੀਮਤ 1,49,900 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਹ ਐਕਸ-ਸ਼ੋਅਰੂਮ ਕੀਮਤ ਹੈ।
ਹੰਟਰ 350 ਰੇਟਰੋ ਫੈਕਟਰੀ ਦੀ ਕੀਮਤ 1,49,900 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਹੰਟਰ 350 ਮੈਟਰੋ ਡੈਪਰ ਅਤੇ ਹੰਟਰ 350 ਮੈਟਰੋ ਰੇਬਲ ਦੀ ਕੀਮਤ 1,69,434 ਰੁਪਏ ਅਤੇ 1,74,430 ਰੁਪਏ ਹੈ। ਇਹ ਸਾਰੀਆਂ ਕੀਮਤਾਂ ਐਕਸ-ਸ਼ੋਅਰੂਮ ਹਨ। Royal Enfield Hunter 350 ਇਕ ਸਟ੍ਰੀਟ ਬੈਕ ਹੈ ਜੋ ਕਿ 3 ਵੇਰੀਐਂਟ ਅਤੇ 10 ਕਲਰ ਆਪਸ਼ਨ ਨਾਲ ਉਪਲਬੱਧ ਹੈ।
ਹੰਟਰ ਦੀ ਸਪੀਡ
Royal Enfield Hunter 350 ਵਿਚ 349.34 ਸੀਸੀ ਬੀਐੱਸ6 ਇੰਝਣ ਹੈ ਜੋ ਕਿ 20.2 ਬੀਐਚਪੀ ਦੀ ਪਾਵਰ ਅਤੇ 27ਐਨਐੱਮ ਦਾ ਟਾਰਕ ਦਿੰਦਾ ਹੈ। ਫਰੰਟ ਅਤੇ ਰਿਅਰ ਦੋਵਾਂ ਡਿਸਕ ਬ੍ਰੇਕ ਦੇ ਨਾਲ, Royal Enfield Hunter 350 ਐਂਟੀ ਲਾਕਿੰਗ ਸਿਸਟਮ ਦੇ ਨਾਲ ਆਉਂਦੀ ਹੈ। ਹੰਟਰ 350 ਬੈਕ ਦਾ ਵਜ਼ਨ 181 ਕਿਲੋਗ੍ਰਾਮ ਹੈ ਅਤੇ ਇਸਦੀ ਫਿਊਲ ਟੈਂਕ ਕਾਪੇਸਿਟੀ 13 ਲੀਟਰ ਹੈ। Royal Enfield Hunter 350 ਦੀ ਟਾਪ ਸਪੀਡ ਲਗਭਗ 130 ਕਿਲੋਮੀਟਰ ਪ੍ਰਤੀ ਘੰਟਾ ਹੈ। ਹੰਟਰ 350 ਦਾ ਮੁਕਾਬਲਾ ਹੋਂਡਾ CB350RS ਜਾਵਾ 42 ਅਤੇ ਟੀਵੀਐਸ ਰੋਨਿਨ ਨਾਲ ਹੈ।
ਹੰਟਰ ਦੇ ਫੀਚਰਜ਼
ਹਾਰਡਵੇਅਰ ਦੀ ਗੱਲ ਕਰੀਏ ਤਾਂ ਬਾਈਕ ਦੇ ਰੈਟਰੋ ਵੇਰੀਐਂਟ ਵਿੱਚ ਵਾਇਰ-ਸਪੋਕ ਵ੍ਹੀਲ, ਫਰੰਟ ਅਤੇ ਰੀਅਰ ਡਿਸਕ/ਡਰੱਮ ਬ੍ਰੇਕ ਸੈੱਟਅੱਪ ਅਤੇ ਸਿੰਗਲ-ਚੈਨਲ ABS ਹਨ। ਦੂਜੇ ਪਾਸੇ, ਮੈਟਰੋ ਵੇਰੀਐਂਟ ਵਿੱਚ ਦੋਨਾਂ ਟਾਇਰਾਂ ‘ਤੇ ਅਲੌਏ ਵ੍ਹੀਲ ਅਤੇ ਡਿਸਕ ਬ੍ਰੇਕ ਹਨ, ਜਿਸ ਵਿੱਚ ਡਿਊਲ-ਚੈਨਲ ABS ਹੈ। ਪਹਿਲੇ ਵੇਰੀਐਂਟ ਦਾ ਭਾਰ 177 ਕਿਲੋਗ੍ਰਾਮ ਹੈ, ਜਦੋਂ ਕਿ ਹੰਟਰ 350 ਦੇ ਮੈਟਰੋ ਵੇਰੀਐਂਟ ਦਾ ਭਾਰ 181 ਕਿਲੋਗ੍ਰਾਮ ਹੈ। ਇਸ ਤੋਂ ਇਲਾਵਾ ਬਾਈਕ ਵਿੱਚ ਟੈਲੀਸਕੋਪਿਕ ਫਰੰਟ ਫੋਰਕ ਅਤੇ ਟਵਿਨ ਰੀਅਰ ਸ਼ੌਕ ਅਬਜ਼ੋਰਬਰ ਹਨ।
ਜੇ-ਪਲੇਟਫਾਰਮ ‘ਤੇ ਅਧਾਰਤ ਹੈ ਹੰਟਰ
ਹੰਟਰ 350 Royal Enfield ਦਾ ਇੱਕ ਸਟ੍ਰੀਟ ਰੋਡਸਟਰ ਹੈ ਜੋ ਨਵੇਂ ਜੇ-ਪਲੇਟਫਾਰਮ ‘ਤੇ ਅਧਾਰਤ ਹੈ। ਇਹ ਭਾਰਤ ਵਿੱਚ ਸਭ ਤੋਂ ਕਿਫਾਇਤੀ ਰਾਇਲ ਐਨਫੀਲਡ ਮੋਟਰਸਾਈਕਲ ਹੈ ਅਤੇ ਇਹ ਨੌਜਵਾਨ, ਪਹਿਲੀ ਵਾਰ ਖਰੀਦਦਾਰਾਂ ਅਤੇ ਮਹਿਲਾ ਸਵਾਰਾਂ ਲਈ ਹੈ। ਹੰਟਰ 350 ਦੇ ਡਿਜ਼ਾਈਨ ਵਿੱਚ ਨਿਓ-ਰੇਟਰੋ ਰੋਡਸਟਰ ਸਟਾਈਲਿੰਗ ਹੈ, ਜੋ ਟ੍ਰਾਇੰਫ ਸਟ੍ਰੀਟ ਟਵਿਨ ਦੀ ਯਾਦ ਦਿਵਾਉਂਦੀ ਹੈ। ਘੱਟੋ-ਘੱਟ ਸਟਾਈਲਿੰਗ ਵਿੱਚ ਇੱਕ ਗੋਲ ਹੈਲੋਜਨ ਹੈੱਡਲੈਂਪ, ਟੀਅਰਡ੍ਰੌਪ-ਆਕਾਰ ਵਾਲਾ ਫਿਊਲ ਟੈਂਕ, ਸਿੰਗਲ-ਪੀਸ ਸੀਟ ਅਤੇ ਇੱਕ ਸਟਬੀ ਰੀਅਰ ਫੈਂਡਰ ਸ਼ਾਮਲ ਹੈ।
