ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਗੀਤ ਗਾ ਕੇ ਇੱਕ ਵਾਰ ਫਿਰ ਕਲਾਕਾਰ ਵਜੋਂ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਇਸ ਵਾਰ ਉਸ ਨੇ ਪੁਰਾਣਾ ਪੰਜਾਬੀ ਗੀਤ ‘ਸੋਨੇ ਦੇ ਕੰਗਣਾ’ ਗਾਇਆ ਹੈ। ਉਸ ਨੇ ਇਹ ਗੀਤ ਬਾਲੀਵੁੱਡ ਗਾਇਕ ਸੁਖਵਿੰਦਰ ਸਿੰਘ ਦੇ ਸਾਹਮਣੇ ਗਾਇਆ।
ਇਸ ਦੌਰਾਨ ਸੁਖਵਿੰਦਰ ਸੀ.ਐਮ ਮਾਨ ਦੇ ਨਾਲ ਕਾਰ ਵਿੱਚ ਸਫ਼ਰ ਕਰ ਰਹੇ ਸਨ। CM ਮਾਨ ਦਾ ਗੀਤ ਸੁਣ ਕੇ ਇਸ ਦੀ ਖੂਬ ਤਾਰੀਫ ਕੀਤੀ। ਇਸ ਤੋਂ ਪਹਿਲਾਂ ਮੁੱਖ ਮੰਤਰੀ ਨੂੰ 26 ਜਨਵਰੀ ਦੀ ਰਾਤ ਨੂੰ ਰਾਜਪਾਲ ਬਨਵਾਰੀ ਲਾਲ ਪੁਰੋਹਿਤ ਦੀ ਰਿਹਾਇਸ਼ ‘ਤੇ ਆਯੋਜਿਤ ਸੱਭਿਆਚਾਰਕ ਪ੍ਰੋਗਰਾਮ ‘ਚ ਗੀਤ ਗਾਉਂਦੇ ਦੇਖਿਆ ਗਿਆ ਸੀ। ਫਿਰ ਉਸ ਨੇ ‘ਛੱਲਾ’ ਗੀਤ ਗਾ ਕੇ ਲੋਕਾਂ ਦਾ ਮਨੋਰੰਜਨ ਕੀਤਾ।
ਮੁੱਖ ਮੰਤਰੀ ਮਾਨ ਦੀ ਤਾਰੀਫ ਕਰਦਿਆਂ ਸੁਖਵਿੰਦਰ ਸਿੰਘ ਨੇ ਕਿਹਾ ਕਿ ਪੰਜਾਬ ਦਾ ਮੁੱਖ ਮੰਤਰੀ ਸਾਹਮਣੇ ਬੈਠਾ ਹੈ ਅਤੇ ਉਹ ਬਹੁਤ ਹੀ ਡਾਊਨ ਟੂ ਅਰਥ ਹੈ। ਇਸ ਤੋਂ ਬਾਅਦ ਮੁੱਖ ਮੰਤਰੀ ਨੇ ਦੱਸਿਆ ਕਿ ਉਹ ਪੁਰਾਣਾ ਗੀਤ ਸੋਨੇ ਦੇ ਕੰਗਣਾ, ਜਿਤੇ ਸਦਾ ਦਿਲ ਕਰਦਾ, ਉਠ ਮਾਂ-ਪਈਆਂ ਨੇ ਨਈ ਮੰਗਣਾ ਗਾਉਣ ਜਾ ਰਹੇ ਹਨ। ਇਹ ਪੂਰੀ ਵੀਡੀਓ ਸੁਖਵਿੰਦਰ ਦੇ ਨਾਲ ਪਿਛਲੀ ਸੀਟ ‘ਤੇ ਬੈਠੇ ਵਿਅਕਤੀ ਨੇ ਰਿਕਾਰਡ ਕੀਤੀ।
ਸੀਐਮ ਮਾਨ ਵੀਰਵਾਰ ਨੂੰ ਸੰਗਰੂਰ ਵਿੱਚ ਸਨ। ਇੱਥੇ ਉਹ ਆਪਣੇ ਦੋਸਤ ਸੁਖਵਿੰਦਰ ਸਿੰਘ ਨੂੰ ਮਿਲਿਆ। ਉਸ ਦੇ ਨਾਲ ਕਿਤੇ ਜਾ ਕੇ ਗੀਤ ਗਾਉਣ ਦਾ ਪ੍ਰੋਗਰਾਮ ਬਣਾ ਲਿਆ।
