ਦਿ ਸਿਟੀ ਹੈੱਡ ਲਾਈਨਸ
ਲੁਧਿਆਣਾ।, 27 ਜਨਵਰੀ: ਗਣਤੰਤਰ ਦਿਵਸ ਮੌਕੇ ਕਾਂਗਰਸ ਨੇ ਪੂਰੇ ਪੰਜਾਬ ਦੇ ਨਾਲ-ਨਾਲ ਮਹਾਂਨਗਰ ਵਿੱਚ ਤਿਰੰਗਾ ਯਾਤਰਾ ਕੱਢੀ। ਕਾਂਗਰਸੀ ਸੰਸਦ ਮੈਂਬਰ ਰਵਨੀਤ ਸਿੰਘ ਬਿੱਟੂ ਅਤੇ ਜ਼ਿਲ੍ਹਾ ਕਾਂਗਰਸ ਪ੍ਰਧਾਨ ਤੇ ਸਾਬਕਾ ਵਿਧਾਇਕ ਸੰਜੇ ਤਲਵਾੜ ਦੀ ਅਗਵਾਈ ਹੇਠ ਕੱਢੀ ਗਈ ਤਿਰੰਗਾ ਯਾਤਰਾ ਸ਼ਹਿਰ ਦੇ ਕਈ ਹਿੱਸਿਆਂ ਵਿੱਚ ਪਹੁੰਚੀ। ਘੁਮਾਰ ਮੰਡੀ ‘ਚ ਤਿਰੰਗਾ ਯਾਤਰਾ ਕੱਢ ਰਹੇ ਕਾਂਗਰਸੀ ਸੰਸਦ ਮੈਂਬਰ ਰਵਨੀਤ ਸਿੰਘ ਬਿੱਟੂ ਦੀ ‘ਆਪ’ ਵਿਧਾਇਕ ਗੁਰਪ੍ਰੀਤ ਸਿੰਘ ਗੋਗੀ ਨਾਲ ਝੜਪ ਹੋ ਗਈ। ‘ਆਪ’ ਵਿਧਾਇਕ ਪੰਜਾਬ ਦੀ ਝਾਕੀ ਲੈਕੇ ਇਲਾਕੇ ‘ਚ ਨਿਕਲੇ ਸਨ। ਇਸ ਦੌਰਾਨ ਦੋਹਾਂ ‘ਚ ਜ਼ੁਬਾਨੀ ਗੱਲਬਾਤ ਹੋਈ ਅਤੇ ਦੋਹਾਂ ਨੇ ਇਕ-ਦੂਜੇ ‘ਤੇ ਦੋਸ਼ ਲਾਏ।
ਕਾਂਗਰਸ ਦੇ ਸਾਂਸਦ ਰਵਨੀਤ ਸਿੰਘ ਬਿੱਟੂ ਨੇ ਤਾਂ ‘ਆਪ’ ਵਿਧਾਇਕ ਗੋਗੀ ਦੀ ਤੁਲਨਾ ਮਹਾਭਾਰਤ ਦੇ ਸ਼ਕੁਨੀ ਨਾਲ ਕੀਤੀ ਅਤੇ ਉਨ੍ਹਾਂ ਦਾ ਨਾਂ ਲੈਕੇ ਸਿੱਧੇ ਤੌਰ ‘ਤੇ ਕਾਰ ‘ਚੋਂ ਉਤਰਨ ਦੀ ਧਮਕੀ ਦਿੱਤੀ। ਜਿਸ ਤੋਂ ਬਾਅਦ ‘ਆਪ’ ਵਿਧਾਇਕ ਨੇ ਵੀ ਬਿੱਟੂ ਨੂੰ ਸਿੱਧਾ ਚੈਲੰਜ ਕਰਨਾ ਸ਼ੁਰੂ ਕਰ ਦਿੱਤਾ। ਉੱਥੇ ਕਿਸੇ ਤਰ੍ਹਾਂ ਮਾਹੌਲ ਸ਼ਾਂਤ ਹੋਇਆ ਅਤੇ ਸੰਸਦ ਮੈਂਬਰ ਤਿਰੰਗਾ ਯਾਤਰਾ ਦੇ ਨਾਲ ਅੱਗੇ ਵਧੇ।
ਕਾਂਗਰਸੀ ਸਾਂਸਦ ਰਵਨੀਤ ਸਿੰਘ ਬਿੱਟੂ ਖੁਦ ਸਾਈਕਲ ‘ਤੇ ਸਵਾਰ ਸਨ ਅਤੇ ਜ਼ਿਲ੍ਹਾ ਕਾਂਗਰਸ ਪ੍ਰਧਾਨ ਸੰਜੇ ਤਲਵਾੜ ਪਿੱਛੇ ਬੈਠੇ ਸਨ। ਇਸ ਦੌਰਾਨ ਉਨ੍ਹਾਂ ਦੀ ਸੁਰੱਖਿਆ ਵੀ ਉਨ੍ਹਾਂ ਦੇ ਨਾਲ ਸੀ। ਘੁਮਾਰਮੰਡੀ ‘ਚ ‘ਆਪ’ ਵਿਧਾਇਕ ਗੋਗੀ ਨਾਲ ਸਾਂਸਦ ਰਵਨੀਤ ਸਿੰਘ ਬਿੱਟੂ ਆਹਮੋ-ਸਾਹਮਣੇ ਹੋਏ ਤਾਂ ਉਹ ਸਿੱਧੇ ਹੋ ਗਏ। ਉਨ੍ਹਾਂ ‘ਆਪ’ ਵਿਧਾਇਕ ਗੋਗੀ ਨੂੰ ਸ਼ਕੁਨੀ ਕਹਿ ਕੇ ਸੰਬੋਧਨ ਕਰਦਿਆਂ ਕਿਹਾ ਕਿ ਜੋ ਕੰਮ ਮਹਾਭਾਰਤ ‘ਚ ਸ਼ਕੁਨੀ ਨੇ ਕੀਤਾ ਸੀ, ਉਹੀ ਕੰਮ ਅੱਜ ਗੁਰਪ੍ਰੀਤ ਗੋਗੀ ਕਰ ਰਿਹਾ ਹੈ |
ਸੰਸਦ ਮੈਂਬਰ ਬਿੱਟੂ ਨੇ ਦੋਸ਼ ਲਾਇਆ ਕਿ ਵਿਧਾਇਕ ਗੋਗੀ ਇਸ ਵੇਲੇ ਇਲਾਕੇ ਦੇ ਲੋਕਾਂ ਨੂੰ ਦੋਵੇਂ ਹੱਥਾਂ ਨਾਲ ਲੁੱਟ ਰਿਹਾ ਹੈ ਅਤੇ ਉਹ ਕਈ ਘਪਲਿਆਂ ਵਿੱਚ ਸ਼ਾਮਲ ਹੋਵੇਗਾ। ਸੰਸਦ ਮੈਂਬਰ ਬਿੱਟੂ ਨੇ ਕਿਹਾ ਕਿ ‘ਆਪ’ ਵਿਧਾਇਕ ਆਪਣੀਆਂ ਨਵੀਆਂ ਗੱਡੀਆਂ ‘ਤੇ ਮਹਿੰਗੀਆਂ ਨੰਬਰ ਪਲੇਟਾਂ ਲਗਾ ਕੇ ਗੱਡੀ ਚਲਾਉਂਦੇ ਹਨ। ਉਸ ਨੇ ਵਿਧਾਇਕ ਨੂੰ ਕਾਰ ਤੋਂ ਬਾਹਰ ਨਿਕਲਣ ਦੀ ਚਿਤਾਵਨੀ ਦਿੱਤੀ।
ਦੂਜੇ ਪਾਸੇ ‘ਆਪ’ ਵਿਧਾਇਕ ਗੋਗੀ ਨੇ ਕਿਹਾ ਕਿ ਉਨ੍ਹਾਂ ਕੋਲ ਜੋ ਗੱਡੀਆਂ ਹਨ, ਉਨ੍ਹਾਂ ਦੇ ਨੰਬਰ ਅੱਜ ਦੇ ਨਹੀਂ ਸਗੋਂ ਉਦੋਂ ਦੇ ਹਨ ਜਦੋਂ ਉਹ ਕਾਂਗਰਸ ਵਿੱਚ ਸਨ। ਗੋਗੀ ਨੇ ਦੋਸ਼ ਲਾਇਆ ਕਿ ਬਿੱਟੂ ਨੂੰ ਇਹ ਪੁੱਛਣ ਵਾਲਾ ਕੌਣ ਹੈ? ਬਿੱਟੂ ਦੀ ਆਪਣੀ ਕੋਈ ਪਛਾਣ ਨਹੀਂ ਹੈ। ਉਹ ਆਪਣੇ ਦਾਦੇ ਦਾ ਨਾਂ ਵਰਤ ਕੇ ਲੋਕਾਂ ਨੂੰ ਧੋਖਾ ਦੇ ਕੇ ਵੋਟਾਂ ਇਕੱਠੀਆਂ ਕਰਦਾ ਹੈ। ‘ਆਪ’ ਵਿਧਾਇਕ ਨੇ ਦੋਸ਼ ਲਾਇਆ ਕਿ ਸੰਸਦ ਮੈਂਬਰ ਬਿੱਟੂ ਮੀਂਹ ਦਾ ਡੱਡੂ ਹੈ ਅਤੇ ਸਾਢੇ ਪੰਜ ਸਾਲ ਬਾਅਦ ਡੱਡੂ ਨਿਕਲਿਆ। ਗੋਗੀ ਨੇ ਕਿਹਾ ਕਿ ਉਹ ਸੜਕ ‘ਤੇ ਇਕੱਲਾ ਖੜ੍ਹਾ ਹੈ ਅਤੇ ਐਮਪੀ ਦੇ ਅਧੀਨ Y+ ਸੁਰੱਖਿਆ ਹੈ। ‘ਆਪ’ ਵਿਧਾਇਕ ਨੇ ਦੋਸ਼ ਲਾਇਆ ਕਿ ਬਿੱਟੂ ਕਾਰਕਸ ਪਲਾਂਟ ਨੂੰ ਤਾਲਾ ਲਗਾ ਕੇ ਆਇਆ ਸੀ। ਉਸ ਦੇ ਭੂ-ਮਾਫੀਆ ਨਾਲ ਸਬੰਧ ਹਨ। ਉਥੇ ਸਸਤੀ ਜ਼ਮੀਨ ਲੈਣ ਲਈ ਉਸ ਨੇ ਕਾਰਕਸ ਪਲਾਂਟ ਬੰਦ ਕਰ ਦਿੱਤਾ। ਜੇਕਰ ਉਹ ਖੁਦ ਵਾਪਿਸ ਆਇਆ ਹੈ ਤਾਂ ਲੋਕ ਉਸ ‘ਤੇ ਦੋਸ਼ ਲਗਾ ਰਹੇ ਹਨ।
