ਸੋਨੇ ‘ਚ ਨਿਵੇਸ਼ ਕਰੀ ਬੈਠੇ ਲੋਕਾਂ ਲਈ ਵੱਡੀ ਖ਼ਬਰ, ਹੋਇਆ ਭਾਰੀ ਨੁਕਸਾਨ

ਦੇਸ਼ ਦੇ ਆਮ ਬਜਟ ਦੌਰਾਨ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਸੋਨੇ ਨੂੰ ਲੈਕੇ ਅਜਿਹਾ ਐਲਾਨ ਕੀਤਾ, ਜਿਸ ਨਾਲ ਸੋਨੇ ਦੇ ਨਿਵੇਸ਼ਕਾਂ ਅਤੇ ਗੋਲਡ ਲੋਨ ਕੰਪਨੀਆਂ ਨੂੰ ਭਾਰੀ ਨੁਕਸਾਨ ਝੱਲਣਾ ਪਿਆ। ਵਿੱਤ ਮੰਤਰੀ ਦੇ ਇਸ ਐਲਾਨ ਨੇ ਇਕ ਦਿਨ ਵਿਚ 10 ਲੱਖ ਕਰੋੜ ਰੁਪਏ ਤੋਂ ਵੀ ਵੱਧ ਦਾ ਨੁਕਸਾਨ ਹੋਇਆ ਹੈ। ਸਰਕਾਰ ਦਾ ਇਸ ਫੈਸਲਾ ਨੂੰ ਸੋਨੇ ‘ਚ ਨਿਵੇਸ਼ ਕਰਨ ਵਾਲੇ ਲੋਕ ਕਦੇ ਨਹੀਂ ਭੁੱਲਣਗੇ। ਫੈਸਲੇ ਤੋਂ ਬਾਅਦ ਸੋਨੇ ਦੀਆਂ ਕੀਮਤਾਂ ‘ਚ ਲਗਤਾਰ ਗਿਰਾਵਟ ਜਾਰੀ ਹੈ।
ਵਿੱਤ ਮੰਤਰੀ ਨੇ ਬਜਟ ‘ਚ ਸੋਨੇ ਅਤੇ ਚਾਂਦੀ ‘ਤੇ ਕਸਟਮ ਡਿਊਟੀ ਘਟਾਉਣ ਦਾ ਐਲਾਨ ਕੀਤਾ ਬਾਅਦ ਸੋਨੇ ਦੀ ਕੀਮਤ 5 ਫੀਸਦੀ ਤੋਂ ਜ਼ਿਆਦਾ ਡਿੱਗ ਗਈ। ਜੇਕਰ ਅਸੀਂ ਇਸ ਦੀ ਤੁਲਨਾ ਸ਼ੇਅਰ ਬਾਜ਼ਾਰ ਨਾਲ ਕਰੀਏ ਤਾਂ ਬਜਟ ਵਾਲੇ ਦਿਨ ਸ਼ੇਅਰ ਬਾਜ਼ਾਰ 1000 ਤੋਂ ਵੱਧ ਅੰਕ ਡਿੱਗ ਗਿਆ।
ਗੋਲਡ ਲੋਨ ਦੇਣ ਵਾਲੇ ਸੋਨੇ ਦੀ ਕੀਮਤ ਘੱਟ ਹੋਣ ਕਾਰਨ ਜਿਨ੍ਹਾਂ ਵਪਾਰੀਆਂ ਨੇ ਸੋਨੇ ‘ਤੇ ਕਰਜ਼ਾ ਦਿੱਤਾ ਹੈ, ਉਨ੍ਹਾਂ ਨੂੰ ਵੀ ਨੁਕਸਾਨ ਝੱਲਣਾ ਪਿਆ ਹੈ। ਇਸ ਨਾਲ ਸੋਨੇ ‘ਤੇ ਲੋਨ-ਟੂ-ਵੈਲਿਊ ਅਨੁਪਾਤ ਘੱਟ ਗਿਆ। ਅਸਲ ‘ਚ ਸੋਨੇ ਦੀ ਕੀਮਤ ਦਾ 80 ਫੀਸਦੀ ਤੱਕ ਲੋਨ ਮਿਲਦਾ ਹੈ। ਰਕਮ ਦਾ 20 ਪ੍ਰਤੀਸ਼ਤ ਕਰਜ਼ੇ ਨੂੰ ਸੁਰੱਖਿਅਤ ਰੱਖਣ ਲਈ ਹੈ। ਹੁਣ ਸੋਨੇ ਦੀ ਕੀਮਤ ਡਿੱਗਣ ਕਾਰਨ ਸੁਰੱਖਿਅਤ ਮੁੱਲ ਕਾਫੀ ਘੱਟ ਗਿਆ ਹੈ।
ਬਜਟ ਵਾਲੇ ਦਿਨ ਸ਼ੇਅਰ ਬਾਜ਼ਾਰ ‘ਚ ਆਈ ਗਿਰਾਵਟ ਦਾ ਸਭ ਤੋਂ ਜ਼ਿਆਦਾ ਅਸਰ ਸੋਨਾ ਰੱਖਣ ਵਾਲੇ ਲੋਕਾਂ ‘ਤੇ ਪਿਆ। ਇਸ ਦਾ ਸਭ ਤੋਂ ਵੱਡਾ ਕਾਰਨ ਇਹ ਹੈ ਕਿ ਜ਼ਿਆਦਾਤਰ ਭਾਰਤੀ ਪਰਿਵਾਰਾਂ ਕੋਲ ਸ਼ੇਅਰਾਂ ਦੀ ਬਜਾਏ ਸੋਨਾ ਹੈ। ਲੋਕ ਸੋਨੇ ਨੂੰ ਚੰਗੇ ਨਿਵੇਸ਼ ਵਜੋਂ ਦੇਖਦੇ ਹਨ। ਭਾਰਤੀ ਪਰਿਵਾਰਾਂ ਕੋਲ ਦੁਨੀਆ ਦੇ ਲਗਭਗ 11 ਫੀਸਦੀ ਸੋਨਾ ਹੈ। ਇਹ ਸੰਖਿਆ ਦੁਨੀਆ ਦੇ ਕਈ ਵਿਕਸਤ ਦੇਸ਼ਾਂ ਦੇ ਕੁੱਲ ਸੋਨੇ ਤੋਂ ਵੀ ਵੱਧ ਹੈ।