ਲੁਧਿਆਣਾ ਜ਼ਿਲ੍ਹੇ ਦੇ ਕੈਨੇਡਾ ਪੜ੍ਹਾਈ ਕਰਨ ਗਏ ਤਿੰਨ ਵਿਦਿਆਰਥੀਆਂ ਦੀ ਸੜਕ ਹਾਦਸੇ ‘ਚ ਮੌ ਤ

ਖੰਨਾ, 29 ਜੁਲਾਈ : ਲੁਧਿਆਣੇ ਜਿਲ੍ਹੇ ਦੀ ਸਬ ਤਹਿਸੀਲ ਮਲੌਦ ਦੇ ਰਹਿਣ ਵਾਲੇ, ਕੈਨੇਡਾ ਦੇ ਮੋਨਕਟਨ ਸ਼ਹਿਰ ‘ਚ ਰਹਿੰਦੇ ਤਿੰਨ ਪੰਜਾਬੀ ਵਿਦਿਆਰਥੀਆਂ ਦੀ ਸੜਕ ਹਾਦਸੇ ‘ਚ ਮੌਤ ਹੋ ਗਈ। ਮ੍ਰਿਤਕਾਂ ਵਿੱਚ 19 ਸਾਲਾ ਨਵਜੋਤ ਸੋਮਲ, ਮਲੌਦ ਨੇੜੇ ਬੁਰਕਾੜਾ ਪਿੰਡ ਵਾਸੀ ਹਰਮਨ ਸੋਮਲ ਅਤੇ ਸਮਾਣਾ ਦੀ 23 ਸਾਲਾ ਲੜਕੀ ਰੇਸ਼ਮ ਜੱਜ ਸ਼ਾਮਲ ਹਨ। ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਹਾਈਵੇਅ ‘ਤੇ ਵਾਹਨ ਦਾ ਟਾਇਰ ਫਟਣ ਕਾਰਨ ਵਾਹਨ ਕੰਟਰੋਲ ਤੋਂ ਬਾਹਰ ਹੋ ਗਿਆ ਤੇ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਹਾਦਸੇ ਦੌਰਾਨ ਡਰਾਈਵਰ ਜ਼ਖਮੀ ਹੋ ਗਿਆ, ਪਰ ਵਾਲ-ਵਾਲ ਬਚ ਗਿਆ। ਪੁਲਿਸ ਅਨੁਸਾਰ ਹਾਦਸੇ ਦੇ ਸਮੇਂ ਤਿੰਨੋਂ ਯਾਤਰੀ ਗੱਡੀ ਤੋਂ ਹੇਠਾਂ ਡਿੱਗ ਗਏ ਅਤੇ ਉਨ੍ਹਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।