ਦੇਖੋ ਕਿਵੇਂ ਪੜੇ ਲਿਖੇ ਲੋਕ ਵੀ ਹੋ ਜਾਂਦੇ ਨੇ ਅੱਜ ਕੱਲ ਠੱਗੀ ਦਾ ਸ਼ਿਕਾਰ, ਇਹਨਾਂ ਗੱਲਾਂ ਤੋਂ ਰਹੋ ਸਾਵਧਾਨ

ਲੁਧਿਆਣਾ, 11 ਜੁਲਾਈ : ਫਿੱਕੀ ਫਲੋ ਵੱਲੋਂ ਸਥਾਨਕ ਹੋਟਲ ਵਿੱਚ ਚੇਅਰਪਰਸਨ ਅਨਾਮਿਕਾ ਘਈ ਦੀ ਪ੍ਰਧਾਨਗੀ ਹੇਠ ਥਿੰਕ ਬਿਫੋਰ ਯੂ ਕਲਿੱਕ ਵਿਸ਼ੇ ’ਤੇ ਸਮਾਗਮ ਕਰਵਾਇਆ ਗਿਆ।ਸਮਾਗਮ ਵਿੱਚ ਸਾਈਬਰ ਸੁਰੱਖਿਆ ਮਾਹਿਰ ਰਕਸ਼ਿਤ ਟੰਡਨ ਨੇ ਪ੍ਰਮੁੱਖਤਾ ਨਾਲ ਸ਼ਿਰਕਤ ਕੀਤੀ। ਜਿਸ ‘ਤੇ ਲੋਕਾਂ ਨੂੰ ਸਾਈਬਰ ਠੱਗੀ ਅਤੇ ਇਸ ਤੋਂ ਬਚਣ ਦੇ ਤਰੀਕਿਆਂ ਬਾਰੇ ਜਾਗਰੂਕ ਕੀਤਾ ਗਿਆ।
ਡਾ: ਰਕਸ਼ਿਤ ਨੇ ਕਿਹਾ ਕਿ ਡਿਜੀਟਲ ਡਾਈਟ ਇੱਕ ਅਜਿਹਾ ਕਾਰਨ ਹੈ, ਜੋ ਤੁਹਾਡੇ ਨਾਲ-ਨਾਲ ਤੁਹਾਡੇ ਬੱਚਿਆਂ ਨੂੰ ਵੀ ਪ੍ਰਭਾਵਿਤ ਕਰਦੀ ਹੈ। ਇੰਟਰਨੈੱਟ ਮੀਡੀਆ ਇੱਕ ਮਿੱਠਾ ਜ਼ਹਿਰ ਹੈ, ਜੋ ਅਫੀਮ ਅਤੇ ਗਾਂਜੇ ਤੋਂ ਵੀ ਵੱਧ ਖਤਰਨਾਕ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਵਿਅਕਤੀ ਲਾਲਚ ਅਤੇ ਡਰ ਤੋਂ ਦੂਰ ਰਹੇ ਤਾਂ ਉਹ ਹਰ ਅਪਰਾਧ ਤੋਂ ਬਚ ਸਕਦਾ ਹੈ। ਘਰ ਬੈਠੇ ਪੈਸੇ ਕਮਾਉਣ ਲਈ ਹਰ ਰੋਜ਼ ਤੁਹਾਡੇ ਖਾਤੇ ਵਿੱਚ ਅਜਿਹੇ ਲਿੰਕ ਆਉਂਦੇ ਹਨ, 10 ਹਜ਼ਾਰ ਰੁਪਏ ਨਿਵੇਸ਼ ਕਰੋ ਅਤੇ ਇਸ ਸਮੇਂ ਵਿੱਚ ਲੱਖਾਂ ਕਮਾਓ। ਜ਼ਿਆਦਾ ਕਮਾਈ ਦੇ ਲਾਲਚ ਵਿੱਚ ਵਿਅਕਤੀ ਲਿੰਕ ‘ਤੇ ਕਲਿੱਕ ਕਰਦਾ ਹੈ ਅਤੇ ਪਲਕ ਝਪਕਦਿਆਂ ਹੀ ਉਸ ਦਾ ਖਾਤਾ ਖਾਲੀ ਹੋ ਜਾਂਦਾ ਹੈ। ਹੈਕਰਾਂ ਦੇ ਨਿਸ਼ਾਨੇ ‘ਤੇ ਉਹ ਲੋਕ ਵੀ ਹੁੰਦੇ ਹਨ। ਜਿਨ੍ਹਾਂ ਦੇ ਜ਼ਿਆਦਾ ਫਾਲੋਅਰਜ਼ ਹਨ। ਉਹਨਾਂ ਨੇ ਕਿਹਾ ਕਿ ਕਦੇ ਵੀ ਆਪਣਾ ਓਟੀਪੀ ਕਿਸੇ ਨਾਲ ਸਾਂਝਾ ਨਾ ਕਰੋ ਅਤੇ ਕਿਸੇ ਵੀ ਅਣਜਾਣ ਵਿਅਕਤੀ ਨਾਲ ਆਪਣੇ ਬੈਂਕ ਅਤੇ ਹੋਰ ਮਹੱਤਵਪੂਰਨ ਵੇਰਵੇ ਸਾਂਝੇ ਨਾ ਕਰੋ। ਰਕਸ਼ਿਤ ਟੰਡਨ ਨੂੰ ਫਿੱਕੀ ਫਲੋ ਦੇ ਮੈਂਬਰਾਂ ਵਲੋਂ ਗਰੀਨ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ ਗਿਆ।