ਕੇਂਦਰ ਸਰਕਾਰ ਨੇ ਯਮਨ ਵਿੱਚ ਫਸੀ ਭਾਰਤ ਦੀ ਨਿਮਿਸ਼ਾ ਪ੍ਰਿਆ ਦੀ ਜਾਨ ਬਚਾਉਣ ਦੇ ਬਦਲੇ ਬਲੱਡ ਮਨੀ ਦੇਣ ਦਾ ਫੈਸਲਾ ਕੀਤਾ ਹੈ। ਕੇਰਲ ਦੇ ਪਲੱਕੜ ਦੀ ਰਹਿਣ ਵਾਲੀ ਨਿਮਿਸ਼ਾ ਪੇਸ਼ੇ ਤੋਂ ਨਰਸ ਹੈ। ਉਸ ‘ਤੇ ਯਮਨ ਦੇ ਇਕ ਨਾਗਰਿਕ ਦੀ ਹੱਤਿਆ ਦਾ ਦੋਸ਼ ਹੈ, ਜਿਸ ਲਈ ਉਸ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਹੈ। ਹਾਲਾਂਕਿ ਪੀੜਤ ਪਰਿਵਾਰ ਨੂੰ ਬਲੱਡ ਮਨੀ ਦੇ ਕੇ ਨਿਮਿਸ਼ਾ ਦੀ ਫਾਂਸੀ ਨੂੰ ਰੋਕਿਆ ਜਾ ਸਕਦਾ ਹੈ। ਆਓ ਸਮਝੀਏ ਕਿ ਬਲੱਡ ਮਨੀ ਕੀ ਹੈ ਅਤੇ ਇਸ ਨੂੰ ਦੇ ਕੇ ਭਾਰਤੀ ਨਾਗਰਿਕ ਦੀ ਜਾਨ ਕਿਵੇਂ ਬਚਾਈ ਜਾ ਸਕਦੀ ਹੈ।
ਨਿਮਿਸ਼ਾ ਨੂੰ ਬਚਾਉਣ ਲਈ ਉਸ ਦੇ ਪਰਿਵਾਰ ਨੇ ‘ਸੇਵ ਨਿਮਿਸ਼ਾ ਪ੍ਰਿਆ ਐਕਸ਼ਨ ਕੌਂਸਲ’ ਬਣਾਈ ਹੈ। ਕੌਂਸਲ ਦੇ ਅਨੁਸਾਰ, ਉਸਦੀ ਰਿਹਾਈ ਲਈ ਗੱਲਬਾਤ ਸ਼ੁਰੂ ਕਰਨ ਲਈ 40,000 ਡਾਲਰ (33.38 ਲੱਖ ਰੁਪਏ) ਦੀ ਸ਼ੁਰੂਆਤੀ ਰਕਮ ਦਿੱਤੀ ਜਾਵੇਗੀ। ਪ੍ਰਿਆ ਨੂੰ ਪੂਰੀ ਤਰ੍ਹਾਂ ਸਜ਼ਾ ਤੋਂ ਬਚਾਉਣ ਲਈ ਲਗਭਗ 3 ਤੋਂ 4 ਲੱਖ ਡਾਲਰ (3.34 ਕਰੋੜ ਰੁਪਏ) ਹੋਰ ਅਦਾ ਕਰਨੇ ਪੈਣਗੇ। ਪੈਸੇ ਇਕੱਠੇ ਹੋਣ ਤੋਂ ਬਾਅਦ, ਇਸ ਨੂੰ ਭਾਰਤੀ ਵਿਦੇਸ਼ ਮੰਤਰਾਲੇ ਰਾਹੀਂ ਸਨਾ (ਯਮਨ ਦੀ ਰਾਜਧਾਨੀ) ਸਥਿਤ ਭਾਰਤੀ ਦੂਤਾਵਾਸ ਨੂੰ ਟਰਾਂਸਫਰ ਕੀਤਾ ਜਾਵੇਗਾ।
ਨਿਮਿਸ਼ਾ ਇੱਕ ਦਹਾਕਾ ਪਹਿਲਾਂ ਆਪਣੇ ਪਰਿਵਾਰ ਨਾਲ ਯਮਨ ਗਈ ਸੀ। ਉੱਥੇ ਉਸ ਨੇ ਯਮਨ ਦੇ ਨਾਗਰਿਕ ਤਲਾਲ ਅਬਦੋ ਮਹਿਦੀ ਨਾਲ ਹਸਪਤਾਲ ਸ਼ੁਰੂ ਕੀਤਾ। ਉਸ ਦਾ ਪਤੀ ਅਤੇ ਧੀ 2014 ਵਿੱਚ ਭਾਰਤ ਪਰਤੇ ਸਨ। ਪਰ ਕੰਮ ਕਾਰਨ ਨਿਮਿਸ਼ਾ ਵਾਪਸ ਨਹੀਂ ਆ ਸਕੀ, ਜਿਸ ਤੋਂ ਬਾਅਦ ਤਲਾਲ ਅਤੇ ਨਿਮਿਸ਼ਾ ਵਿਚਾਲੇ ਝਗੜਾ ਸ਼ੁਰੂ ਹੋ ਗਿਆ। ਤਲਾਲ ਨੇ ਨਿਮਿਸ਼ਾ ਦਾ ਪਾਸਪੋਰਟ ਖੋਹ ਲਿਆ ਅਤੇ ਆਪਣੇ ਕੋਲ ਰੱਖ ਲਿਆ। ਜਦੋਂ ਨਿਮਿਸ਼ਾ ਨੇ ਉੱਥੇ ਅਧਿਕਾਰੀਆਂ ਨੂੰ ਇਸ ਦੀ ਸ਼ਿਕਾਇਤ ਕੀਤੀ ਤਾਂ ਤਲਾਲ ਨੇ ਉਸ ਨੂੰ ਦੱਸਿਆ ਕਿ ਉਹ ਨਿਮਿਸ਼ਾ ਦਾ ਪਤੀ ਹੈ। ਅਧਿਕਾਰੀਆਂ ਨੇ ਮੁੜ ਦਖਲ ਨਹੀਂ ਦਿੱਤਾ।
ਨਿਮਿਸ਼ਾ ਨੂੰ ਯਮਨ ਛੱਡਣ ਲਈ ਪਾਸਪੋਰਟ ਦੀ ਲੋੜ ਸੀ। ਅਜਿਹੇ ‘ਚ ਉਸ ਨੇ ਜੁਲਾਈ 2017 ‘ਚ ਤਲਾਲ ਨੂੰ ਬੇਹੋਸ਼ ਕਰਨ ਵਾਲਾ ਟੀਕਾ ਲਗਾ ਕੇ ਪਾਸਪੋਰਟ ਵਾਪਸ ਲੈਣ ਬਾਰੇ ਸੋਚਿਆ। ਪਰ ਇਸ ਵਿੱਚ ਤਲਾਲ ਦੀ ਮੌਤ ਹੋ ਗਈ। ਨਿਮਿਸ਼ਾ ਨੇ ਕਿਸੇ ਹੋਰ ਵਿਅਕਤੀ ਦੀ ਮਦਦ ਨਾਲ ਤਲਾਲ ਦੀ ਲਾਸ਼ ਨੂੰ ਛੁਪਾ ਦਿੱਤਾ। ਪਰ ਕੁਝ ਦਿਨਾਂ ਬਾਅਦ ਮਾਮਲਾ ਸਾਹਮਣੇ ਆਇਆ। ਨਿਮਿਸ਼ਾ ਨੂੰ ਗ੍ਰਿਫਤਾਰ ਕਰਕੇ ਮੌਤ ਦੀ ਸਜ਼ਾ ਸੁਣਾਈ ਗਈ। ਉਸ ਦੇ ਸਾਥੀ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਸੀ। ਇਹ ਮਾਮਲਾ ਉਦੋਂ ਤੋਂ ਹੀ ਚੱਲ ਰਿਹਾ ਹੈ।
