ਸਬਜ਼ੀਆਂ ਨੇ ਵਿਗੜਿਆ ਘਰ ਦੀ ਰਸੋਈ ਦਾ ਬਜਟ, ਅਸਮਾਨ ਨੂੰ ਛੂਹਣ ਲੱਗੇ ਸਬਜ਼ੀਆਂ ਦੇ ਭਾਅ

ਲੁਧਿਆਣਾ, 6 ਜੁਲਾਈ : ਬਰਸਾਤ ਦੇ ਮੌਸਮ ਸ਼ੁਰੂ ਹੁੰਦੇ ਹੀ ਸਬਜ਼ੀ ਮੰਡੀ ਵਿੱਚ ਸਬਜ਼ੀਆਂ ਦੇ ਭਾਅ ਅਸਮਾਨ ਨੂੰ ਛੂਹਣ ਲੱਗ ਪਏ ਹਨ। ਸਬਜ਼ੀਆਂ ਦੇ ਭਾਅ ਜੂਨ ਤੋਂ ਵੱਧ ਸਨ, ਜਦੋਂ 30 ਜੂਨ ਨੂੰ ਮਾਨਸੂਨ ਸ਼ੁਰੂ ਹੋ ਗਿਆ ਤਾਂ ਸਬਜ਼ੀਆਂ ਦੇ ਭਾਅ ਅਸਮਾਨ ਨੂੰ ਛੂਹਣ ਲੱਗ ਪਏ। ਜਿਸ ਨੇ ਆਮ ਆਦਮੀ ਪਾਰਟੀ ਦੀ ਸਰਕਾਰ ਵਿੱਚ ਹਰ ਆਮ ਆਦਮੀ ਦੀ ਘਰ ਦੀ ਰਸੋਈ ਦਾ ਬਜਟ ਵਿਗਾੜ ਦਿੱਤਾ ਹੈ। ਕੁਝ ਸਬਜ਼ੀਆਂ ਦੇ ਭਾਅ ਦੁੱਗਣੇ ਤੋਂ ਵੀ ਵਧ ਗਏ ਹਨ। ਇਸ ਕਾਰਨ ਆਮ ਆਦਮੀ ਦੀ ਥਾਲੀ ਵਿੱਚੋਂ ਹਰੀਆਂ ਸਬਜ਼ੀਆਂ ਗਾਇਬ ਹੋਣ ਲੱਗੀਆਂ ਹਨ। ਮਟਰ ਤੇ ਅਦਰਕ ਦੀ ਕੀਮਤ 200 ਰੁਪਏ ਪ੍ਰਤੀ ਕਿਲੋ ਤੱਕ ਪਹੁੰਚ ਗਈ ਹੈ। ਆਮ ਤੌਰ ‘ਤੇ ਵਰਤੇ ਜਾਣ ਵਾਲੇ ਆਲੂ ਅਤੇ ਪਿਆਜ਼ ਦੀਆਂ ਕੀਮਤਾਂ ਵੀ 100 ਰੁਪਏ ਪ੍ਰਤੀ ਕਿਲੋ ਦੇ ਨਜਦੀਕ ਪਹੁੰਚ ਗਈਆਂ ਹਨ। ਲੁਧਿਆਣਾ ਦੀ ਸਬਜ਼ੀ ਮੰਡੀ ਵਿੱਚ ਦੁਕਾਨ ਚਲਾਉਣ ਵਾਲੇ ਮੋਹਿਤ ਅਨੁਸਾਰ ਹਰ ਸਾਲ ਬਰਸਾਤ ਦੇ ਸ਼ੁਰੂ ਵਿੱਚ ਅਜਿਹੇ ਹਾਲਾਤ ਬਣਦੇ ਹਨ। ਪਰ ਇਸ ਵਾਰ ਭਾਅ ਬਹੁਤ ਵਧ ਗਏ ਹਨ। ਜਿਸ ਨੇ ਰਸੋਈ ਦਾ ਸਾਰਾ ਬਜਟ ਵਿਗਾੜ ਦਿੱਤਾ ਹੈ। ਜਿੱਥੇ ਹਰ ਘਰ ਦਾ ਬਜਟ ਇੱਕ ਮਹੀਨਾ ਪਹਿਲਾਂ 7 ਦਿਨਾਂ ਵਿੱਚ ਸਬਜ਼ੀ ਦੀ ਔਸਤ ਕੀਮਤ 500 ਰੁਪਏ ਸੀ, ਹੁਣ ਇਹ ਬਜਟ 1000 ਰੁਪਏ ਤੋਂ ਵੀ ਵੱਧ ਹੋ ਗਿਆ ਹੈ।
ਉਹਨਾਂ ਨੇ ਕਿਹਾ ਸਬਜ਼ੀਆਂ ਮਹਿੰਗੀਆਂ ਹੋਣ ਦੇ ਬਾਵਜੂਦ ਲੋੜੀਂਦੀ ਮਾਤਰਾ ਵਿੱਚ ਸਬਜ਼ੀਆਂ ਨਹੀਂ ਮਿਲ ਰਹੀਆਂ। ਸਬਜ਼ੀ ਵੇਚਣ ਵਾਲਿਆਂ ਅਨੁਸਾਰ ਭਾਅ ਵਧਣ ਦੇ ਬਾਵਜੂਦ ਲੋੜੀਂਦੀਆਂ ਸਬਜ਼ੀਆਂ ਨਹੀਂ ਮਿਲ ਰਹੀਆਂ। ਆਮ ਸਬਜ਼ੀਆਂ ਵੀ ਇਸ ਵਾਰ ਮਹਿੰਗੀਆਂ ਹਨ। ਗਰਮੀ ਕਾਰਨ ਆਮਦ ਘੱਟ ਰਹੀ ਹੈ, ਜਦੋਂ ਤੱਕ ਨਵੀਆਂ ਸਬਜ਼ੀਆਂ ਨਹੀਂ ਆਉਂਦੀਆਂ, ਭਾਅ ਨਹੀਂ ਹੇਠਾਂ ਆਉਣਗੇ। ਸਥਾਨਕ ਸਬਜ਼ੀਆਂ ਬਿਲਕੁਲ ਨਹੀਂ ਮਿਲਦੀਆਂ। ਮੰਗ ਅਤੇ ਸਪਲਾਈ ਵਿੱਚ ਅੰਤਰ ਹੋਣ ਕਾਰਨ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ।