Thursday, May 1, 2025
spot_img

ਪੰਜਾਬ ਰੋਡਵੇਜ਼ ਦੀ ਬੱਸ ਵਿੱਚ ਮਹਿਲਾ ਨੇ ਦਿੱਤਾ ਬੱਚੇ ਨੂੰ ਜਨਮ !

Must read

ਅੰਬਾਲਾ ਸ਼ਹਿਰ ਵਿੱਚ ਇੱਕ ਅਸਾਧਾਰਨ ਘਟਨਾ ਵਾਪਰੀ ਹੈ। ਜਿੱਥੇ ਇੱਕ ਔਰਤ ਨੇ ਪੀਆਰਟੀਸੀ ਬੱਸ ਵਿੱਚ ਇੱਕ ਬੱਚੀ ਨੂੰ ਜਨਮ ਦਿੱਤਾ। ਮਹਿਲਾ ਰਾਜਪੁਰਾ ਦੀ ਰਹਿਣ ਵਾਲੀ ਹੈ ਜਿਸ ਦਾ ਨਾਮ ਰੋਸ਼ਨੀ ਦੇਵੀ ਹੈ ਜਿਸ ਨੇ ਆਪਣੇ ਦੂਜੇ ਬੱਚੇ ਨੂੰ ਬੱਸ ਵਿੱਚ ਜਨਮ ਦਿੱਤਾ। ਇਹ ਘਟਨਾ ਅੰਬਾਲਾ ਸ਼ਹਿਰ ਦੇ ਕਾਲਕਾ ਚੌਕ ਨੇੜੇ ਵਾਪਰੀ। ਜਦੋਂ ਬੱਸ ਹਰਿਦੁਆਰ ਤੋਂ ਪਟਿਆਲਾ ਜਾ ਰਹੀ ਸੀ।

ਜਦੋਂ ਬੱਸ ਕਾਲਕਾ ਚੌਕ ਤੋਂ ਅੱਗੇ ਵਧੀ ਰੋਸ਼ਨੀ ਦੇਵੀ ਨੂੰ ਜਣੇਪੇ ਦੀ ਦਰਦ ਹੋਣ ਲੱਗ ਪਈ। ਦਰਦ ਨਾਲ ਕਰਾਹਦਿਆਂ ਉਸਨੇ ਬੱਸ ਡਰਾਈਵਰ ਨੂੰ ਸੂਚਿਤ ਕੀਤਾ ਜਿਸਨੇ ਬੱਸ ਨੂੰ ਨਿੱਜੀ ਹਸਪਤਾਲ ਦੇ ਨੇੜੇ ਰੋਕ ਦਿੱਤਾ। ਇਸ ਦੌਰਾਨ ਜ਼ਿਲ੍ਹਾ ਸਿਵਲ ਹਸਪਤਾਲ ਦੀ ਐਂਬੂਲੈਂਸ ਵਿੱਚ ਕੰਮ ਕਰਨ ਵਾਲਾ ਡਰਾਈਵਰ ਰਾਕੇਸ਼ ਵੀ ਉੱਥੋਂ ਲੰਘ ਰਿਹਾ ਸੀ। ਸਥਿਤੀ ਦੀ ਗੰਭੀਰਤਾ ਨੂੰ ਸਮਝਦੇ ਹੋਏ ਉਸਨੇ ਤੁਰੰਤ ਐਂਬੂਲੈਂਸ ਰੂਮ ਨੂੰ ਸੂਚਿਤ ਕੀਤਾ।

ਐਂਬੂਲੈਂਸ ਸਿਰਫ਼ 10 ਮਿੰਟਾਂ ਵਿੱਚ ਮੌਕੇ ‘ਤੇ ਪਹੁੰਚ ਗਈ, ਜਦੋਂ ਕਿ ਬੱਸ ਦੇ ਪੁਰਸ਼ ਯਾਤਰੀ ਹੇਠਾਂ ਉਤਰ ਗਏ ਅਤੇ ਔਰਤਾਂ ਨੇ ਰੋਸ਼ਨੀ ਦੇਵੀ ਨੂੰ ਕਵਰ ਕਰ ਲਿਆ। ਉਸੇ ਸਮੇਂ ਸਿਵਲ ਹਸਪਤਾਲ ਦੇ ਈਐਮਟੀ ਰਾਜਕੁਮਾਰ ਨੇ ਹੋਰ ਔਰਤਾਂ ਦੀ ਮਦਦ ਨਾਲ ਬੱਸ ਵਿੱਚ ਹੀ ਡਿਲੀਵਰੀ ਕਰਵਾਈ।

ਜਦੋਂ ਤੱਕ ਐਂਬੂਲੈਂਸ ਟੈਕਨੀਸ਼ੀਅਨ ਮੌਕੇ ‘ਤੇ ਪਹੁੰਚਿਆ ਉਦੋਂ ਤੱਕ ਬੱਚਾ ਪੂਰੀ ਤਰ੍ਹਾਂ ਪੈਦਾ ਨਹੀਂ ਹੋਇਆ ਸੀ। ਸਿਹਤ ਵਿਭਾਗ ਦੀ ਟੀਮ ਮੌਕੇ ‘ਤੇ ਪਹੁੰਚੀ ਅਤੇ ਡਿਲੀਵਰੀ ਕਰਵਾਈ। ਜਿਸ ਤੋਂ ਬਾਅਦ ਰੋਸ਼ਨੀ ਦੇਵੀ ਨੇ ਇੱਕ ਸਿਹਤਮੰਦ ਬੱਚੀ ਨੂੰ ਜਨਮ ਦਿੱਤਾ। ਜਣੇਪੇ ਤੋਂ ਬਾਅਦ ਰੋਸ਼ਨੀ ਦੇਵੀ ਅਤੇ ਉਸਦੇ ਨਵਜੰਮੇ ਬੱਚੇ ਨੂੰ ਐਂਬੂਲੈਂਸ ਰਾਹੀਂ ਜ਼ਿਲ੍ਹਾ ਸਿਵਲ ਹਸਪਤਾਲ ਭੇਜਿਆ ਗਿਆ। ਹਸਪਤਾਲ ਵਿੱਚ ਦੋਵਾਂ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ ਅਤੇ ਦੋਵੇਂ ਤੰਦਰੁਸਤ ਹਨ।

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article